BOADO F.C.

IMAXES DA VICTORIA DO BOADO Ó RANTE

2012-03-01T22:10:00.000+01:00

O BOADO DISFRÁZASE DE DESASTRE

2012-02-23T11:53:00.000+01:00

O sábado pasado o Boado escribiu a páxina máis triste na súa pequena historia.
Meses atrás, precisamente contra o Bande, o Boado erixíase como un dos grandes equipos da categoría, e cousas do fútbol, no partido de volta da a súa peor versión.
Perdeu ademais o gol-averaxe co Bande ao perder por 0-6 (0-5 na ida).
As condicións tampouco eran favorables, xa que o Entroido pasa factura, e aínda así foron 15 os xogadores que se cambiaron.
O equipo titular foi:
Villa
Sandro-Delfín-Pisto-Khalid
Iván- Kolega
Pablo Luca
Sergi Ricky

A primeira estivo marcada polo baixo ritmo e nivel de xogo vivido na Moreira, cunha actuación meritoria dos xogadores boadeses. Pero un gol dende lonxe moveu o marcador, e polo que se viu, sacou ao Boado do campo.
Ademais, Pisto retirábase con molestias. Entraría Vila, que estaría no campo 10 minutos, para dicir adeus a unha boa parte da Liga, sen descartar dicir adeus á temporada.
No segundo tempo o Boado saíu disposto, con boa actitude, pero o Bande, á contra, soubo acertar para poñer o 2-0.
E despois, frustración absoluta, porque os folgos no chegaban, e hai que dicir que o Boado nunca deu síntomas de pasotismo ou burla á camiseta, simplemente non se podía.
E así foron chegando os goles visitantes, un detrás do outro, nun partido xa condenado minutos atrás.

O máis lamentable probablemente fora a escasa afluencia ao campo, onde aínda así, se xuntaron unhas 50 persoas, que para ser o sábado do Entroido, non está mal.

Ánimo ao Boado, que lle toca agora remar coa salvación no peto, pero coa lástima de perder ilusión.
Agora ben, aquela ilusión era xustificada, e o obxectivo real do equipo nunca deixou de ser salvarse, salvarse ben, e nesas estamos.

DATO: O Entroido de Xinzo viu pasar á práctica totalidade de xogadores do Boado, e iso é o bonito.

ÁNIMO Á FAMILIA DO BOADO

2012-02-12T22:36:00.000+01:00

Esta tarde de domingo será recordada pola familia do Boado como unha tarde negra ao ter que lamentar o falecemento dun tío do noso amigo Jorge Miranda.
E por outro lado, tamén nos apena o falecemento do avó do amigo Pablo Monteaguro "Monty", que era, ademais, o pai do Fariñas, o fiel compañeiro do Boado FC.

O Boado FC quere transmitir o seu sincero apoio nestes días difíciles.

O partido de hoxe queda así relegado a un mínimo protagonismo. O Boado caeu no campo do líder Xunqueira facendo un excepcional partido en xeral, cun compromiso absoluto por parte de tódolos compañeiros.

O BOADO FAI SOBREVIVIR Ó V.BARRIO

2012-02-09T20:54:00.000+01:00

O Boado FC segue empeñado en axudar ós veciños, e volve deixarlle puntos no saco maltreito do Vilar de Barrio, do amigo Cameán.
Déixovos algunha das fotos que sacou a Mari (sempre traballadora) o sábado.

DESPOIS DE SANDE, PARTIDO NA CASA

2012-02-02T20:33:00.000+01:00

O Boado aínda está dixerindo a derrota do domingo na casa do Sande.
As dificultades do adestrador para sacar un equipo competitivo marcaron o encontro.
Foi un partido raro, de claro dominio boadés ata que comezou o xa habitual barullo do segundo tempo.

Comezou o Boado intentando xogar, e fíxoo con acerto, tendo en Luca un referente acertado no ataque, que marcou en dúas ocasións, as que tivo que empatar o Sande. No comezo da segunda un penalti estableceu a diferencia definitiva.
E dende aí ó final lixo.
Disputas, protestas... Momentos dignos de ser superados xa por un equipo que non da sido o grande que quixera.

Do Sande pódese dicir que é un grupo de xente que coma nós e coma calquera, é un grupo normal.
Aínda que comandados por un impresentable adestrador, merecedor dos máis absolutos desprezos e algún que outro xogador indesexable en calquera campo.
O árbitro tamén tivo, por intención, o seu protagonismo, sobre todo ao pitar sen moito criterio. Nin favoreceu nin prexudicou, nin gañou o partido nin o perdeu, nin roubou nin deu, fíxoo rematadamente e vergozosamente mal.

E agora o Vilar de Barrio, un equipo extraño que atravesa, como o Boado, problemas de identidade.
O encontro será o sábado na Moreira, e unha semana máis, o Boado acumula unha recua de baixas.

BOADO 2- CUALEDRO 0

2012-01-24T20:39:00.000+01:00

O Boado FC gañou de novo ante os seus siareir@s.

Despois de dous meses sen facelo, o equipo do Cubano saca os tres puntos como local.

Trouxeron así boa sorte as camisolas que patrocinan Deportes Cancha e Pub Eden & Bar O´Trebello.

A tarde soleada, como anunciara xa a predicción meteorolóxica, viu un partido de fútbol que non quedará para o recordo en páxinas douradas, aínda que de ouro son os tres puntos que dan tranquilidade ao proxecto boadés.

O míster alineou a:

Iago

Fandinga Pisto Fer Santi

Pablo (de) Currás- Iván (de) Castelaos

José Luca

Ricky Vila

Os primeiros compasen xa definiron o choque.

Un gol anulado nos primeiros minutos xa avisaron que o gol boadés chegaría pronto, e meu dito, meu feito. Internada de José, o sábado moi activo, que chega a Luca, quen na área pequena acerta metendo o balón.

Logo algunha ocasión máis, froito dun bo traballo dos extremos José e Luca e dos dianteiros.

A medida que avanzou o partido o Cualedro foi crecendo, con moita pólvora na parte atacante, onde destacaron Manolito e Chambo, con Cosita de escudeiro. Tamén o fixo notablemente o mediocentro que levaba o dorsal 8.

Foron varias as ocasións visitantes, aínda que non excesivamente perigosas.

Con esa dinámica favorable ó Cualedro chegouse ao tempo do descanso.

Cabe dicir que o lacón do sorteo tocoulle ó Delfín, que estaba desconvocado.

O segundo tempo trouxo rápidamente unha nova lesión de Camilo Vila, que non arranca nesta andaina co Boado. Recae unha vez máis da súa lesión no isquitibial produto da súa xa coñecida doenza nas costas. E entra Kolega, que deu un novo aire fresco ao Boado.

Os cambios nesta ocasión foron despertando ao equipo, así foron entrando tamén Marquiños, Miranda e Sandro (que animou aos espectadores cunha espectacular entrada involuntaria, produto dun terreo escorregadizo).

O Kolega fixo levantar aos espectadores cunha falta lonxana que case entra, un trallazo que anunciaba o que acontecería ao pouco. Unha falta moi ben executada polo Kolega cara a cabeza de José é peinada con intención cara o fondo das redes. Gol, 2-0.

Repetían así os goledores da semana pasada, un recuperado para a causa Luca e un baluarte en constante crecemento José.

Logo entrou Pablo Villarino, un porteiro reconvertido a dianteiro, que lonxe de desentonar demostrou a súa forte implicación co Boado. Correu ata a extenuación, entregouse en cada balón, sendo un exemplo de valentía, e tivo recompensa con algún balón roubado e a consecuente ovación da grada.

Nova victoria, segunda do ano ao non ter concluído o partido en Paderne, que quedará en suspense ata Abril. Así, o Boado aséntase na parte alta da táboa, quedando xa zanxada a fonda crise que atravesaba, disipando dúbidas sobre a capacidade do equipo para manterse na categoría.

Última hora!

2012-01-21T11:26:00.002+01:00

Polo estado do terreo de xogo, a directica do Boado ven de adquirir un lote de botas especiais para hoxe.

Están pendentes de que o Paz concrete o seu número (48 ou 49), e que tamén o faga o Sergi (32 ou 33).

BO DÍA PARA O FÚTBOL

2012-01-21T11:17:00.002+01:00

A pesares de erguernos algúns (deitarse outros) con algo de chuvisca no ambiente, as prediccións din que a tarde será óptima para a práctica do fútbol.
Só falta por saber como responderá a herba da Moreira (para entenda o Pisto: o relvado).

A Exma. Directiva do Boado FC púxose esta mesma mañá en contacto con Santiago Pemán (na imaxe), asesor meteorolóxico do Boado FC, quen precisou o seguinte:

"Ceos practicamente despexados con lixera influencia de esporádicasas nubes. Temperaturas baixas, índa que con escasa presenza de vento. Un día perfecto para que gañe o Boado"

E continuación explícanse graficamente a previsión para o día, e o que é máis importane, para a noite, que se se gaña, algúns irán de tarambainas a celebralo. Como podedes ver, a previsión para a noite é que fará un frío do carallo, asique ou quedar na casa, ou arrimarse ben ó quente.

OUTRO DERBI O DOMINGO

2012-01-20T17:44:00.001+01:00

E o domingo, derbi en Piñeira. Os viláns do Antela visitan o campo da Touza para intentar rompe-la mala racha das últimas semanas, e o Piñeira quere afianzarse na parte cómoda, a escasa distancia dos veciños boadeses.
Ademais, unha victoria xustificaría tantos esforzos ao longo do ano.

O BOADO FC DESEXA QUE O ENCONTRO DO DOMINGO SEXA UNHA FESTA COMO NO SEU DÍA NOS TOCOU A NÓS VIVIR.
E desexa especialemente que a Directiva do Piñeira teña unha tarde exitosa (Afluencia, ingresos, espectáculo...) pola súa colaboración co Boado FC e por demostrar ter sido uns cabaleiros do fútbol afeccionado.

O CUALEDRO, NOVO DERBI

2012-01-20T17:41:00.004+01:00

O sábado volve o fútbol laranxa á Moreira.
Un terreo de xogo escasamente practicable veranse a cara o sábado, por volta das 16:15 dous equipos que pese a non ser da mesma comarca, ven coma un derbi o encontro.

O Cualedro chega sen dar moitas pistas, xa que as últimas semnas estiveron acumulando baixas importantes, e polos resultados, parece que se notaron. As informacións que manexa o equipo pataqueiro din que os visitantes recuperarán a varios dos homes ausentes nas últimas citas, polo que a rivalidade está servida.

Pola banda boadesa o míster acusará as baixas de xente habitual como Vispo ou Palomanes, aos que se suma Parada, sancionado.
E o capítulo que preocupa ao míster é o das dúbidas, xa que se nos confirmados só hai tres, o número aumenta se nos referimos aos dubidosos, e non son "trapalladas" para engañar ó rival, como outros teñen por costume facer:
- Ricky: problemas coas moas que o teñen sen adestrar dende o ano pasado
-Vila: o seu baixo estado de forma e a súa rotura muscular non dan garantías
- Fernando: tivo molestias nun ombreiro e leva dúas semans sen adestar
- Paz: está sen adestrar
-Pablo López: problemas gripais e problemas dentais
- Pablo Kolega: lesión nas costas que o ten sen poder camiñar correctamente toda a semana
-Pablo Monty: a pesares dos rumores sobre a súa volta, non hai nada confirmado
-Khalid: recén chegado de Marrocos, leva mes e medio sen adestrar

(imaxe do partido de ida, Cualedro 1- Boado 2)

Así suman 3 baixas confirmadas e 8 dúbidas.
O equipo boadés espera remontar puntos coa zona alta da táboa e de paso selar a permanencia na 2ª Autonómica, que xa está máis cerca.

PARTIDO INACABADO EN PADERNE

2012-01-16T00:07:00.002+01:00

Entre as nubes a o barro xogouse hoxe no campo do Monte da Torre o partido entre o Paderne e o Boado FC.
O Cubano alineou aos seguintes xogadores para o homenaxa a Marquiños, o practicante de Paderne en 2011.
Iago
Sandro- Pablo-Pisto-Santi
Miranda-Marquiños
José Fandinga
Luca Pishas

E viuse un primeiro tempo moi digno para esta categoría. Despois duns primeiros minutos de tanteo, o Boado foise impoñendo pouco a pouco, pero dun xeito efectivo, ao rival.
As ocasións foron case todas elas dos visitantes, agás un corner do Paderne que case entra.
O traballo do equipo foi encomiable, tanto que sería inxusto destacar a algún, e poida que o que menos estaba entrando en xogo, José, foi quen levantou aos moitos afeccionados boadeses que se deron cita en Paderne, para facer así unha bancada animada e festeira coma de costume.
Centra Santi unha falta lateral, pelexa o balón o Pishas, e o rexeite foille ós pés ó José, que cunha volea perfecta puxo o 1-0.
Logo máis do mesmo, soberbia actuación defensiva e maxia nunha xogada no ataque. Un contragolpe case de manual fai que Luca lle ceda o balón a Pishas, que lla devolve ó suízo, quen con moita clase cruza coa zurda. Delirio no banco e na bancada.
Logo descanso.
O segundo tempo comezou coa intención do Boado por dumir o partido, e as ocasións chegaron igualmente. Primeiro Luca e logo Palomanes marraron sendas ocasións ben favorables. E na continuación do xogo, a colexiada viu penalti nun corte de balón extraño de Pablo, o de Currás, que non cometera falta xa que despexara coa cabeza. Os locais meteron a pena máxima.
Nunha xogada posterior o Pishas viu o segundo cartón amarelo, polo que tivo que marchar, e o Cubano deseñara un novo plan para aguantar o partido, pero na xogada seguinte Iván Fandinga recebiu a falta que facía a número cinco mil no partido, polo que pediu explicacións ao seu marcador, revolvéndose este con desdén esaxerado, polo que se formou un barullo que a colexiada entendeu como motivo para suspende-lo encontro.
Corría o minuto 75 segundo a acta, con resultado favorable ó Boado de 1-2.

A Federación deberá pronunciarse para saber que ocorrerá finalmente.

MORREU FRAGA

2012-01-15T23:29:00.003+01:00

Día histórico para o País.
A mente que máis pistolas fixo disparar aquí, descansa hoxe (inmerecidamente) por sempre eternamente endexamais.
Non lle descansaron os miolos ata ben pouco antes de morrer, e ata finando soubo defender ó seu xeito.

Por cantas cabezas contaminou vendendo fume e mentiras.
Por tódolas "persoas" a quen lle deu un traballo a cambio de roubar votos.
Por cantos cartos roubou para o peto que lle petaba.
Por todos, dios vaia con el.

Aforrade o típico comentario de: "non sei porque se mezcla o fútbol coa política". Isto é fútbol, é política, é vida, e foi, por culpa de xente coma esta, morte.

PADERNE - BOADO, o domingo 15

2012-01-12T10:37:00.001+01:00

A Liga segue, e chegamos agora á 2ª volta na xornada 18.
Remataron os primeiros enfrontamentos entre tódolos equipos (agás o Lobios- Antela) e a segunda volta arranca xa.
Para nós nun campo complicado, dun claro aspirante ao ascenso, que non xa nos deitou a orella no primeiro partido na Moreira, é o PADERNE.

O partido será o DOMINGO, ás 16:15, no campo do Outeiro da Torre.

O Boado FC leva baixas importantes, sobre todo, na medular, xa que Vispo terá que descansar por sanción, ao igual que Iván Diéguez. Aínda así, o Cubano poderá dispoñer dunha equipa de garantías.

A saída está prevista para as 14:30 no Bar O´Trebello, do Ricky.
As persoas que queiran saír ó campo (isto vai polos separatistas radicais de Rairiz, V.de Santos e outras trapalladas varias) que estean alí ás 15:10, baixo pena de multa por incumprimento.

Mañá adéstrase na Moreira á hora habitual, onde o míster escollerá ás 16 mandarinas que irán a esgaza-las pernas a Paderne.

HOXE ADÉSTRASE NA MOREIRA

2012-01-10T14:22:00.001+01:00

A directiva do Boado FC estivo intentando ata agora mesmo (14:00) poder utilizar algún dos polideportivos das Comarcas, pero o resultado foi negativo.

A pesar de que as xestións NON foron de ÚLTIMA HORA, os polideportivos teñen reservas anuais que cumprir, e a pesar de intentalo non foi posible que algunha das reservas cambiase o día.

Queremos agradecer o traballo especialmente aos Concellos de Trasmiras e Sarreaus, porque, como se dixo, estiveron ata agora intentando facer un sitio, pero hai escasos minutos os responsables da área de deportes de Sarreaus só conseguiron que estivera libre de 20 a 21 horas, polo que a directiva decidiu que a mellor opción era utilizar a MOREIRA, xa que o espazo de detrás da portería está en bo estado, ademais do xa coñecido anexo. Á hora de sempre.

Pedimos desculpas aos xogadores, pero somos un equipo pequerrecho, e ben sabemos que os AMIGOS son os que conseguen estes favores. Nós os AMIGOS témolos dentro do vestiario e non nos despachos.

O BOADO FC NA TELEVISIÓN

2012-01-09T23:19:00.003+01:00

O Boado FC chegou xa á TDT , a xa coñecida como Orange´s Revolution conquista os platós da televisión ourensá, facendo gala do humor que caracteriza ao equipo.

Recadiño para os Imbéciles e Escuros: no vídeo podemos ver como a xente do Boado entende o obxectivo dun clube nunha aldea.

Pica na imaxe para velo:

Espectacular o presi Parada no minuto 6 e pico, pronosticando a clasificación final.

O Boado avisara, Ano Novo,Vida Nova.

2012-01-09T23:11:00.000+01:00

O Boado FC recibe o 2012 regalando unha importante victoria no campo da Merca. Despois dunha recua de partidos sen facelo, o Boado é quen de superar a un rival e ensina-los dentes.
A actitude do equipo foi a clave sobre a que sustentou unha victoria que permite respirar e saber que o Boado segue vivo, con problemas aínda que mellorar, pero moi vivo.

Aquí temos unhas imaxes do partido, onde sae, sobre todo, o Iván Fandinga e o de Castelaos, guapos!

A MERCA - BOADO FC, o domingo

2012-01-04T23:08:00.000+01:00

Comeza o ano e remata a 1ª volta da competición co Boado visitando o campo da Merca, o domingo, ás 16:00.
A intención é rematar mellor o ano do que acabou o anterior, e emendar así unha racha moi moi mala.
O míster convoca a TÓDOLOS XOGADORES dispoñibles xa que as biaxas marcan o partido:
Kjalid e Luca nos seus respectivos países.
Miranda e Vila lesionados.
Palomanes sancionado.
Varios xogadores dubidosos.

O vestiario está atravesando unha crise de identidade que só se solucionará gañando partidos, este ou que sexa.

A xuntanza para o partido será no BAR FENTOS, ás 14:15.
As persoas que saian ó campo, deberán estar alí ás 15:00.

Boa viaxe.

ANO NOVO, VIDA NOVA

2012-01-02T19:36:00.000+01:00

aMIG@S do BOADO FC.
Rematou o 2011, o ano máis exitoso na vida do noso clube, e agora dámoslle a benvida a un dous mil doce que pinta ben, claro que si.
Comezaremos o ano adestrando este martes (día 3) e mércores (día 4) no anexo da Moreira, onde se fraguan os grandes éxitos.

Anímovos a todos os que poidades a vires adestrar, para comeza-lo ano con forzas para levantar o ánimo e a un equipo decaído, que non se da conta que segue facendo historia.

SOMOS O BOADO FC!!

CONFIRMADO O CAMBIO NA PRESIDENCIA

2011-12-28T11:35:00.000+01:00

Despois de algunha semana de rumores e negociacións confírmase hoxe.

A DIRECTIVA DO BOADO cede o seu lugar a un novo equipo director que levará as rendas do equipo.

Así, o que fora exitoso presidente do Antela nos últimos anos, Nito Paz (de Gráficas Cars), asume a presidencia dun clube que perdeu o seu rumbo nos últimos meses.
A antiga directiva cede gustosamente o posto tendo en conta a ilusión que demostran os entrantes.
Nito estará acompañado no cargo por xente coñecida da Limia e outros rostros non tan públicos. Entre os principais apoios económicos está o que fora alcalde de Xinzo de Limia, Isaac Vila Rodríguez, ou Francisco Romero, ex adestrador do Trasmiras. Nos rostros non ligados ó fútbol atópase xente como o Tino do Villasana ou Venancio, da Ferretería Venancio.

A intención é que Joel Castro asuma a dirección técnica do clube.

Todo o cambio farase efectivo coa entrada do ano.

O actual plantel do Boado non estivo ao tanto das negociacións, aínda que as primeiras reaccións son preocupantes, xa que o baluarte do equipo, Rubén Colmenero "Pisto" xa anunciou a súa postura, que de confirmarse a sucesión na directiva, abandonará o clube. Os dirixentes están en contacto con el para ver se son quen de convencelo.

José Antonio Parada, Pablo Villarino e Delfín Camino rematan deste xeito a súa andaina no Boado FC, ao non entrar nos planes dos novos xefes do Boado FC.

É unha nova etapa ilusionate, que soluciona así os graves problemas económicos do clube boadés.

BO NADAL

2011-12-24T19:50:00.000+01:00

A FAMILIA DO BOADO FC DESÉXAVOS A TODOS, AMIG@S, BO NADAL.

ESTA É A NOSA SELECCIÓN

2011-12-24T19:49:00.000+01:00

Onte á tarde, na parroquia de Cacheiras, en Teo, o fútbol galego vestiuse de gala para festexar a reivindación máis senlleira do país, desta volta, reivindicando o país co pobo do Sahara.
O ambiente de conmemoración do fútbol galego, do fútbol afeccionado, do fútbol feminino... foi excepcional.
Antes do partido, manifestación concorrida.

O saque de honra correu a cargo do ilustre deportista Ezequiel Mosquera, o ciclista de Teo que paralizou ao mundo cos seus ascensos ós montes do Estado Español, antes de sufrir un dos episodios máis inxustos que a prensa escribiu na historia.

A capitana da selección foi VERONICA BOQUETE, a mellor xogadora de fútbol do mundo, a compostelana que conseguiu encumiarse como a máis célebre futbolista do último ano. Xoga no Energy Vononezh ruso, despois do seu paso polo Philadelphia Independence americano. Ademais, procedeu á lectura do manifesto reinvincativo.

O grupo Siareir@s Galeg@s,organizador do evento, ofreceu unha xornada inesquecible.

A festa na bancada durou aínda máis que os 90 minutos do encontro coa mestura dos afeccionados galegos e os que defendían ao Sahara, onte rival e amigo.

Por moitos anos da nosa Selección!!

DÚAS NACIÓNS, DÚAS SELECCIÓNS!

O resultado importa pouco, pero a Irmandiña venceu 2-1, gol goles de Vero Boquete e Jimmy, xogador do Montañeros, equipo coruñés de 2ºB.

HOXE XOGA A NOSA SELECCIÓN

2011-12-23T12:15:00.000+01:00

Un ano máis, a nosa Selección reivindica o seu, e hoxe en TEO, A Coruña, a Selección da RASD (República Árabe Saharaui Democrática) xogará contra GALIZA un partido de festa. O importante non é ser campión do mundo ou non, só é reivindicar o noso. Como o Boado FC.

Anímovos a todas e todos a irdes á festa.

2011-12-22T10:09:00.000+01:00

HOXE É O DÍA DA LOTERÍA, A VER SE ALGÚN DE NÓS TEN SORTE E NOS TOCA ALGO.

PODEDES COMPROBAR O VOSO NÚMERO AÍ ARRIBA NA APLICACIÓN ESA QUE APARECE.

O AMOR NON VOS SORRÍ MOITO ÓS DO BOADO (por feos)

DA SAÚDE XA FAI MOITO QUE PASASTES

A VER ENTÓN, SE POLO MENOS ENCHEDES OS PETOS DE EUROS.

O Boado na Televisión

2011-12-19T21:40:00.000+01:00

Ás 22:45 (aprox.) emítese en Telemiño un novo programa de "A PRÒRROGA", onde escollen a un equipo cada semana, e desta volta o elixido foi o Boado, por ser, ata fai un mes, a revelación da categoría, e por ser, se dúbida ningunha, O EQUIPO CON MÁIS APOIO DO MUNDO.
Alí destacouse, por riba de calquera cousa, ese aspecto, a capacidade do Boado para congregar a tanta xente e crear un ambiente e moi poucos dos presentes vivira antes.

Aquí deixamos algunhas fotos dos previos á entrevista, que poderedes ver no canal de pago R, ou o corte no Youtube nos próximos días. Xa avisaremos máis.

BOADO ANTELA,en imaxes

2011-12-19T21:33:00.001+01:00

Temos aquí unha morea de fotos de altísima calidade do encontro de onte.
Disfrútaas.

FOTOS DO BOADO-ANTELA

2011-12-19T21:14:00.000+01:00

Aquí temos algunha das imaxes que resumen o partido de onte:
Grazas a todos por facer de onte un día inesquecible.

GAÑOU O ANTELA

2011-12-18T23:55:00.000+01:00

Tarde de fútbol como non se lembraba na Moreira a que os limiaos viviron hoxe.
Un ambiente digno de categorías onde fútbol é máis ca un xogo.

No futbolísitico cabe dicir que foi un partido con pouca historia, pois a ningún dos equipos lle saíu o que intentou. Foi o típico derbi de nervos e medos, de poucas ocasións... pero un derbi no que gañou o Antela, con merecementos. Un solitario gol de Samuel dálle tres puntos vitais cara o ascenso.
O Boado foi un digno rival, que acusou en exceso a inexperiencia. Os xogadores non se deron adaptado aos cambios acelerados que se propuxeron cara este partido. O feito de ser o partido máis grande da historia do Boado pesou demais, e non queda máis ca aprender disto.

Noraboa ao Antela, e noraboa á xente que foi á Moreira, ao comportamento de todo o mundo. Foi unha delicia poder hoxe vivir o vivido.

(Mañá poremos fotos)

2011-12-15T22:49:00.001+01:00

BOADO, demos ou anxos?

2011-12-15T00:24:00.000+01:00

Despois das últimas polémicas abertas a raíz do partido do domingo, ti que pensas?

A NOVA MOREIRA, ESTREADA

2011-12-14T17:37:00.000+01:00

O Boado FC vén de inaugurar as novas instalacións deportivas MUNICIPAIS.
Despois duns meses obrigando ao resto de veciños a ter que entrenar no barro (porque os xogadores do BOADO FC adestraron TÓDOLOS DÍAS do inverno no campo novo, e algúns mesmo con botas máis grandes do seu número para estropear máis o campo) decidiron, eles sós, estrear as instalacións. Así, sen actos públicos, sen palmadiñas no ombreiro nin nada. Dúas carreiras para aquí, dúas para alá, e listo.

Lástima que varios xogadores tiveran que adestrar no sintético con aluminio, porque non foran avisados. Non pasou nada, só algún pequeno corte na herba e listo. Nada que non se arregle cuns miles de euros.

Despois de episodios como:

- ROUBO A BANDEIRA E NON DIGO QUEN FOI

- DEIXO SUCIAS AS GRADAS A PROPÓSITO PARA QUE TEÑAN QUE LIMPAR

- LAVO AS BOTAS PORQUE A MIÑA NAI RÍFAME SE AS LEVO CHEAS DE BULLEIRO

Chega ás súas casas o novo espectáculo dos salvaxes do BOADO:

INAUGURACIÓN DO CAMPO!!!

SE NON CHE FIXO GRACIA ESTO HAI DÚAS OPCIÓNS:

1- QUE SEXAS PARVO

2- QUE DEBES BUSCAR NO DICCIONARIO O QUE É A "RETRANCA"

PARTIDO DE GALA

2011-12-14T17:28:00.000+01:00

Por todos é sabido que este é un dos encontros máis especiais para o fútbol limiao, polo que o Boado pónse guapo.
Onte presentou as novas indumentarias de viaxe:
1-partidos na casa, chándal

2- Partidos de fóra, traxe (Vemos ó Miranda, que lle queda ben. Gerardo leva a cahqueta oficial. Delfín representa á Directiva Todopoderosa)

3- Para quentar, novas sudadeiras!

4- E para levar o material, boteiras especiais Boado 2011-2012

Chegou...

2011-12-12T19:32:00.001+01:00

MANIFESTO POR UN PARTIDO LIMPO E FESTIVO

2011-12-12T19:31:00.000+01:00

Nunha xuntanza celebrou entre representantes do Boado FC por unha banda e do Antela FC pola outra, entenden que o videiro "derbi" do domingo debe ser un día de festa para os dous equipos e as súas afeccións.

Polo tanto, pregan ás súas respectivas afeccións un comportamento impecable, que animen ao seu equipo e querespeten ao contrario, como así vai ser.

É o respeto que tamén lle solicitan aos xogadores dentro do terreo de xogo.

Tan só así pode ser un día de festa para todos.

Sorte e viva o fútbol limiao.

HOSTIAZO EN LOBIOS

2011-12-12T19:26:00.000+01:00

O Boado levou nos fuciños unha boa labazada por parte do conxunto que adestra Agacha.

Un partido non especialmente feo foi o que se viu o domingo. As oportunidades do Boado foron moitas (varias delas especialmente claras) pero o balón non quixo entrar, e non quixo, e non quixo.
Os locais souberon aproveitar a ocasión,e en dúas chegadas, unha en cada tempo, remataron o partido ó seu favor.
Despois de moito intentalo, Luca faría o 2-1 algo tarde, e non chegou a reacción.

Os escasos asistentes puideron ver, segundo o punto de vista do responsable desta nova, un dos espectáculos máis deplorables e lamentables que se poden vivir no fútbol. Se o significado do deporte afeccionado é este, o Boado non quere ser partícipe de tal trapallada.
Vaia por diante que a actitude e criterio do colexiado foron máis que correctos.
A extrema violencia coa que se empregaron os locais fixo que os xogadores do Boado temesen mesmo pola súa integridade. E non estamos aquí a falar de mixiricas e choróns, estamos a referirnos a persoas comúns que viron como as faltas se endurecían, os puñetazos se repetían nos balóns parados, e como os lapos adornabas as noas caras.
É vergonzoso ver o que alí se viu. Especialmente os dorsais 3, 9 e 15 demostraron non ter a educación (que é sen hache) mínima para xogar, porque si, estábase a intentar xogar. Para pelexas hai outros lugares.

Deportivamente, ben. Feo pero ben, gañaron e punto. Noraboa.

O Boado entra en crise

2011-12-12T19:19:00.000+01:00

Parece que a todopoderosa crise económica que afecta ao mundo chegou tamén ás beiras do Limia ao seu paso por Boado.
No partido disputado o domingo 4 de Decembro, non soubo aproveitar unha superioridade clamorosa para facerse cos tres puntos que lle había outorgar un posto alto na táboa.
O partido estivo dominado polos laranxas case todo o tempo, e aínda así, nos últimos minutos outra vez, o Muíños leva un punto que lle sabe a gloria.

Hoxe rímonos con...

2011-12-02T11:49:00.000+01:00

Os irmaus Dalton, de grande a pequeno.
Premio ó máis guapo...
Premio ó menos afortunado...
Premio ó "DIOS MIO, SACA ESA FOTO DE DIANTE"...

O DOMINGO, NOVO CAPÍTULO

2011-11-29T23:13:00.000+01:00

Chegou o momento de dar unha ostia na mesa.

É hora de poñerse en serio. A derrota do outro día seguro que fai que nos poñamos máis en serio, máis comprometidos, máis unidos, máis BOADO.

EU CONFÍO NO BOADO.

E aproveitamos tamén hoxe para agradecerlle tanto apoio a tanta xente.

INGACO (do presi Parada)

PUB ISIS ( do Salvatore, e algo tamén do Sandro)

CLAN (do Raúl, onde se fan concertos)

TREBELLO (do Víctor e do Ricky, o bar de moda )

PUB EDÉN ( tamén dos empresarios de arriba)

BAR FENTOS (do Toño, onde o café sabe diferente )

HNOS. CAMINO ( a fontanería express do Delfín e do Gerardo)

PELUQUERÍA SANDRA ( da irmá do Villa )

MULTISERVICIOS OLGA ( do Aldo de Vilar de Santos)

MOBLES ANDRADE ( do presidente económico)

House e Florentino tamén CONFÍAN

2011-11-29T19:08:00.000+01:00

Onte novos persoeiros da primeira liña pública demostraron ser fans do Boado.
O famoso doutor House e o todopoderoso Florentino Pérez apoian ao equipo laranxa.
Ben por eles!

OS APOIOS MULTIPLCANSE

2011-11-28T22:14:00.000+01:00

O ex-xogador do Real Madrid Manoliño Adebayor súmanse as mostras de apoio recebidas polo clube laranxa.
Agradécese que mesmo dende Londres (pois agora xoga no Tottenham inglés) nos mande saúdos.

Podedes velo aquí:

Grazas Manoliño, moitas grazas. Estás convidado ao que queiras no bar O Trebello, no Isis, no Fentos, no Edén, no Fandinga, na Escuela de Boado ou onde ti queiras.

Seguimos en pé!!!!!!!

2011-11-28T19:56:00.001+01:00

A pesar da derrota, a pesar das críticas, a pesar do difícil calendario... Só temos clara unha cousa, que...

E se esta confía en nós, que máis podemos dicir?

PAU GRANDÍSIMO EN ENTRIMO

2011-11-28T19:31:00.000+01:00

O pasado sábado escribiuse a páxina menos gloriosa do andar do Boado este ano no grupo 10 da Segunda Autonómica.
En Entrimo, na Baixa Limia, viuse a un Boado extraño, falto de moitos dos atributos que o mantivo nos primeiros lugares da clasificación.
Sen buscar máis excusas ca que o rival foi mellor certo é que foron moitas as baixas do conxunto limiao, aínda así, sacou un equipo sobradamente capaz, que simplemente, non tivo o seu día, nin sequera un bo día.
As desgrazas fóronse sucedendo, e o resultado é o que é, 5-1, a favor do Entrimo.
Moitas son as posibilidades de análise polo que o conxunto laranxa xa está traballando arreo en comporse e redimirse ante o Muíños, un duro rival que visitará as terras de Xinzo na fin de semana.
Vemos aquí algunhas das imaxes máis curiosas do encontro:

(Iván de Castelao ten o balón controlado)

( A defensa boadesa, Sandro-Iván-Fernando, despexa)

(Caída espectacular do bravo central boadés, Fernando)

(Khalid pelexa como pode ante a mirada do traballador Villa)

E hoxe rímonos con...

2011-11-24T19:28:00.000+01:00

Catro son as caras que pelexan cada día por convencer ó Coach e xogar.
Aínda así, Luca parte con vantaxe, con esa cara non hai quen se resista!!
A loita pola Champions está servida... quen é máis guapo, o Top Model Palomanes ou o Sex Symbol Luca. (fila superior)
E na loita polo descenso pelexan por non ser o máis feo Ricky e Camilo. (fila inferior)

FAITE SOCIO!

2011-11-24T19:10:00.001+01:00

O Boado segue coa súa campaña de aboados.

Todo o mundo quere ser do clube, afíliate!

Despois de superar os 100, e logo os 200, agora imos a polos 300, coma a película.

ISTO É... BOADO

O Boado na Televisión

2011-11-23T23:26:00.000+01:00

Hoxe comezaron unhas negociacións coa televisión local ourensensana TELEMIÑO, para facer unha pequena reportaxe ao que eles consideran a equipa revelación desta nosa liga.
A idea é gravar o partido Boado - Antela, pola amigable rivalidade que carrexará.
Seguiremos contando os avances neste tema.

E hoxe rímonos con...

2011-11-22T17:38:00.000+01:00

Aquí temos a 4 dos defensas do Boado. Delfín, Luís, Sandro e Iván Fandinga. Só un deles levará o premio a menos guapo dos tres... Apostamos?

HISTÓRICA SEMANA

2011-11-22T12:01:00.000+01:00

Histórica semana para o Boado FC, que lidera a clasificación do seu grupo por primeira vez. Certo é que o Antela ten un partido por xogar, que de gañalo o colocaría no máis alto.

Aínda así, despois dunha ducia de partidos xogados, o Boado está de primeiro, o que enche de orgullo ós veciños da pequena aldea limiá, que pregoan por onde van que no seu pueblo os mozos fixeron un equipo.

Que dure o que teña que durar, quen sabe se esta semana outros teñen a mesma alegría ca nós hoxe, pero iso si, hoxe, témola nós.

NORABOA a toda a familia laranxa.

Boado-Viana, victoria.

2011-11-22T11:53:00.000+01:00

O pasado sábado a herba da Moreira acolleu un novo partido do grupo décimo da segunda autonómica. Desta volta entre o Boado e o Viana.
O Cubano sacou a¡:
Iago
Fandinga-Paz-Monty- Delfín
Miranda-Kolega
Vispo
Pablo Vila
Palomanes

O partido antóllabase goleador, e nada máis empezar un golazo do Viana confirmou as expectativas. Un xogador vianés tirou dende unha posición nada favorable, esquinado e fóra da área, e o balón, coa axuda do vento, entrou pola mesma escadra, por riba de Iago, que só puido mirar para o balón.
E o gol fíxolle moito mal ao equipo local, xa que non foi quen de levantar cabeza ata o minuto 20, cando os atacantes comezaron a crear algo de perigo. E perigoso estaba o campo, moi irregular e sobre todo moi esvaradizo, o que fixo que a defensa e medio boadesa sufrira moito máis do normal. Un xogador vianés foi expulsado cedo.

(Pablo, co balón, engaña ao futbolista visitante)

Aínda así, compóndose o equipo, non foi o Boado de outras veces. Os laranxas comezaron coa desesperación propia dos últimos intres dun partido inda non ben medidada a primeira parte.
E por riba do anterior, no minuto 40 retíranse lesionados Paz (golpe nun pé) e Vila (picada na perna).
E tempo de descanso.

(Monty, capitán, conduce ante o autor do gol vianés)

O equipo cambiou, e cambiou tanto que non parecía o mesmo que ó principio. Sobre todo na actitude, o que provocou o resto, un dominio practicamente absoluto ata o minuto 30. Daquela xa o Boado conseguira tolear ao Viana. Un centro perfecto do Kolega remátao Palomanes de cabeza para empatar no 50. Uns minutos máis tarde Pablo ten unha inmellorable ocasión tras unha boa xogada entre Palomanes, Vispo e Luca.
José levanta a todo o público cunha memorable carreira dende o campo propio. Corre máis que os adversarios, vaise deles con toques precisos e nas inmediacións da área intenta un pase que se converteu en parede para el ao petar nun rival, e logo zapatazo coa esquerda ao pau. O partido ía costa abaixo.
E co este ritmo chegou o gol de Pablo, que acerta a rematar dentro da área un base dende o lateral, facendo así o definitivo 2-1.
A partir de entón o Boado deu un lóxico baixón, e case o paga moi caro en varias ocasións. Sobre todo na do minuto 85, cando un vianés encara e supera a Monty, quen fai un claro penalty. Encárgase de tiralo o xogador-adestrador do equipo do Bolo. Trallazo á dereita do porteiro, onde xa estaba Iago, que acerta parando o que parecía xa o empate, un novo empate para o Boado.

(Iago colle un balón fácil, despois paradón no penalti)

Antes disto entrara ao campo, vestido de atacantes, Villa, o porteiro suplente, que deu unha lección de esforzo, correndo por onde se lle indicou, chegando mesmo a protagonizar unha xogada de perigo.

(Villa moi atento ante o rival)

Así, a festa volveu, dúas semanas despois, ao vestiario boadés.

(Este simpático can fixo recordar a xa falecida acompañante fiel do amigo Eloy,un saúdo para el)

O MISTERIO DA BANDEIRA

2011-11-18T19:15:00.000+01:00

Os corpos e forzas de seguridade do Estado están á procura dun elemento que se notou en falta nas instalacións municipais da Moreira, en Xinzo.
Os feitos remóntanse á primeira fin de semana deste mes, cando o eficiente operario que alí traballa se decatou de que non estaba no seu sitio ondeando a bandeira vermella e gualda.
Por uns días, A Limia converteuse así nun terreo liberado. Non así o Boado, pois a branquinegra bandeira do Antela sigue campando no curuto da Moreira.
Non hai pistas. Non hai probas. Só se sabe que é moita a xente que a bota de menos. Os prantos, choros e lamentos repítense pola bisbarra en busca do aguilucho.
Gardaranse minutos de silenzo en tódolos campos da Limia pola desaparecida bandeira.
Hai xogadores que non se ven con forzas para disputar un partido con esa perda.
Porén, hai quen pensa que son días de festa na Limia.

O misterio continúa. A proposta do Boado é poñer a muñequera do Pisto no alto do pau.

(A muñequera do Pisto)

Hoxe rímonos de...

2011-11-18T16:20:00.000+01:00

Continuamos coa sección que empezamos. Hoxe...

XA TEMOS AS CARAS DO BOADO...

2011-11-16T20:32:00.000+01:00

Se tes o que hai que ter...

Se non che falta valor.

Se non tes problemas en durmir ben.

Se estás preparado para o peor...

PICA AQUÍ

http://boadofc.blogspot.com/p/as-caras.html

Que? Facemos un concurso a ver quen é o máis feo? E o máis guapo?

BOADO-VIANA, o sábado 19

2011-11-16T13:20:00.000+01:00

DESCULPAS DO ADMINISTRADOR

2011-11-15T19:41:00.001+01:00

O persoal da páxina quere desculparse cos asiduos lectores dela pola escasa dedicación mostrada nos últimos días.
O motivo é a carga de traballo que estas datas ten.
En breves, reconducirase a situación, e porémonos ó día coas fotos de cada un e os 1x1 que faltan.
Saúdos, e grazas.

EMPATE EXTRAÑO EN ROCAS

2011-11-15T19:31:00.000+01:00

O Boado non foi quen de gañar un partido que se presupuña cómodo, e para nada foi así.
Un rápido gol local non foi a lousa máis grande que sufriu o Boado, xa que tivo que ver como dous xogadores eran amonestados con vermella nos primeiros 20 minutos.
Aínda así, foi quen de erguerse, e empatar.

(Luca corre co balón)

Un segundo gol do Rocas mudou a cara de ilusión dos pataqueiros que só pola forza demostrada no segundo tempo puideron empatar de novo o partido, cun cabezazo impecable do bravo central Pisto.
O Boado, con 9, xogou un bo partido, e o resultado antóllase xusto polo visto, así que, lonxe de ver este resultado como un punto negativo na traxectoria do Boado, o equipo valórao como unha demostración propia do que é capaz.

(o árbitro manda para o vestiario a Ricky)

Destacou por riba de todo a entrega ofrecida polo conxunto boadés, que foi a polo partido canto puido.
Só é un punto que se suma, pero é un punto máis.

AMIG@S DO BOADO

2011-11-08T23:30:00.000+01:00

A partir de agora, esta imaxe acompañará a andaina do Boado, porque sen a nosa xente non che somos nada.
Non se ve moito, pero chega ben. Son amigos,non guapos.

E na Porra...

2011-11-08T22:15:00.000+01:00

E na Porra acertaron os MENOS.
Cerca do 70% dos que votamos, máis de 50 persoas, pensabamos que o Boado gañaría, e por pouco.
Un 18% pensou que sería os de Piñeira, e tampouco.
E un 12% acertou dicindo que o empate campearía no marcador.
Noraboa a todos eles. Teñen un botellín pagado na taberna do Canillas, en Boado.

1-1

UN SOÑO CUMPRIDO

2011-11-08T22:12:00.000+01:00

Co regusto amargo do empate final do domingo o Boado pode agora durmir máis a gusto consigo mesmo. Por primeira vez na historia, na Historia do Clube, está en posicións de ascenso a 1ª Autonómica.
A ilusión duns mozos algo tolos dunha aldea de 70 persoas (contando Boado e Porto-Alto) convértese hoxe nunha realidade.
Non é o obxectivo estar aí máis tempo, nin sequera estar por diante de ninguén, pero parvos seriamos senón recoñeceramos ( E BERRARAMOS BEN ALTO) que estar onde hoxe está xustifca os esforzos que facemos.
Invertir o tempo convencendo xogadores, metendo ós amigos en compromisos para facelos socios, pedir cartos a todo o mundo, lavar as camisetas nas nosas casas á rolda, pedir campo prestado, facer a festa do pueblo para gañar euros... merece hoxe a pena.
E xa está non queremos máis nada. Que quede arriba quen teña que quedar. Cada un que xustifique os seus obxectivos. Co que hoxe vemos aquí o Boado dorme tranquilo, e de salvarse (non sexamos necios, é máis que factible) o Boado dorme feliz.

PARABÉNS Á FAMILIA DO BOADO FC

O FÚTBOL AÍNDA VIVE NA MOREIRA

2011-11-08T21:52:00.000+01:00

Tarde de troula na Moreira a do domingo á tarde.
O fútbol vestiuse de humilde, de aldea, para saír o domingo victorioso.
Enfrontábanse Boado FC e Piñeira CF, probablemente os únicos equipos da 2ª Autonómica que non sexan capital do Concello.
Os ruxe-ruxe camparon toda a semana, e os intereses de poñer a un equipo contra o outro parecían sobrevoar á Limia, pero nada diso, festa e irmandade. Ambos equipos saltaron ó verde ó compás do compañeirismo, cada un cos seus, pero xuntos.

(Vemos aquí á grada de animación do Boado

Nabo, Chechu, Sergi, Lorena,Vispo, Kolega, Salinas, Tania, a do fin do mundo, Paco Isaac, Paz Nunca Dorme, Dacal amigo para siempre, Natalia, Borja, Julio de Solveira, Benito Floro, Iris, Nicolás Transportista, Diego, JAvi,Pachín, Esteban, Cecilia, O Juapo, Concha, Dani, More...)

E despois si, despois comezou a loito.
Para iso ducias e ducias de limiaos decidiran pasar a tarde apoiando ao fútbol máis humilde, o das aldeas.

Cubano sacou ós seguintes no Boado:
Parada
Fandinga- Pisto-Fer- Khalid
Miranda
Palomanes- Iván
Luca Vila
Ricky

Suso, polo Piñeira elixiu a:
Nito
Toño- Emilio- Jose-Paxaro
Rodri- Uto
Edu Oguin
Diego
Maradona

O partido lamentablemente non saíu todo o bonito que merecía, pero aínda así, houbo oportunidade para o fútbol. Saíu máis entonado o equipo laranxa, ben asentado no campo. As gradas xa tiveron tempo de manifestarse ó pouco, cunha ocasión de Luca.
Pero foi nunha falta canto a percusión de Vispo-Kolega & Co. estouraría para corear o golazo de Palomanes, que rematou coa testa por onde máis prestan os goles, pola mesma escadra.
A partir de aí o Boado foi indo a menos, e o Piñeira moi pouco a pouco, a máis.

(Khalid gaña o balón a Uto)

O dominio no medio do campo era claro dos locais. E as ocasións e achegamentos fóronse sucedendo, sen fortuna para os de Boado. Pero aínda así, as oportunidades máis claras foron amarelas, sobre todo unha de Oguin, que acertou a case todo, gañou a carreira, superou a Parada e encarou a portería, onde estaba a grande figura do encontro, o greñudo Pisto, que nun esforzo considerable chega a tempo para desviar.
O primeiro tempo foi indo sen máis. O único, a cantidade de tarxetas que viron a luz alí.

Logo, tempo de descanso.
E aquí pódese comentar o mellor do partido, e probablemente da tempada. Non nos podemos aburrir de agradecer o apoio da xente nun partido tan importante. Os xogadores desconvocados tomaron o mando, e Vispo, Pablo, Iago,Monty,Villa, Kolega e Sergi estiveron máis que entonados coreando os nomes dos ídolos locais e arengando cando cumpría ós visitantes (Diego sufriu a furia dos ultras). Como director da orquestra, Paz.

(Vispo anima ós asintentes.Vese a Julio, Borja, Iris, Benito, Salinas, Kolega)

A emorga tinxía as bancadas, a xente quería festa, e rifas, ao que contribuíu o sempre voluntarioso Marcial.

(Marcial animando a que a xente colaborase co clube, e abofé que o fixo)
(O cartel dicía:
"En puré son esquisitas
mellor se están fritas
Cume patacas!
que son afrodisíacas"

Hai que dicir que a metade dos habitantes de Boado estaban na Moreira.

Segundo tempo. O tempo do Piñeira, que foi medrando ata converterse nun duro rival e merecedor do mellor.
As ocasións non foron excesivamente claras, pero o certo é que o Boado non tivo apenas ningunha.
E con esa dinámica foron pasando os minutos, e as tarxetas polas caras dos laranxas. E o afortunado foi Miranda, que colleu o camiño dos vestiarios ao ve-la segunda.
Os cambios eran necesarios, e así entraron Marquiños, Sandro, Delfín, José e Santi, que tamén acabarían na ducha antes de tempo.
O empuxe vistante estivo ben controlado con unha inconmensurable defensa, con Fernando e Pisto gloriosos, e ben secundados por Fandinga e Khalid. Por diante, reconvertido Vila, que ten dado mellor rendemento cando se coloca onde non ten que correr moito, dado o seu estado físico insuficiente.

(Vila protexe ante a presión de Diego)

O reloxo non corría, e cando os locais comezaron a levantar os brazos para festexar, chegou a xogada na que Oguin consegue, maxistralmente, controlar diante de Parada, e conectar un furón que se meteu pola mesma escadra que antes vira o gol local.
1-1. Frustración absoluta nos rostros boadeses.
A grandeza do fútbol fixo que se cumprira o resultado máis xusto.

Aínda así, ambos equipos recibiron a ovación dun público máis protagonista ca nunca.

(Delfín, o Rato, conducindo un balón)

BOADO FC - PIÑEIRA CF

2011-11-04T14:31:00.000+01:00

Enquisa sobre o BOADO - PIÑEIRA

2011-11-03T20:10:00.000+01:00

O domingo na Moreira vivirase un intenso e emocionante derbi. Por segunda vez na historia se enfrontan estes clubes irmáns. Daquela o Piñeira apeara ao Boado da Copa, pero e o domingo? Quen gañará? Empatarán? Perderán os dous?

Danos a túa opinión na ENQUISA que estreamos á esquerda da pantalla.

Chegou o DERBI DAS PATACAS

NOVAS FOTOS DO PARTIDO EN ALLARIZ

2011-11-03T19:53:00.000+01:00

Grazas á Mari temos fotos dos partidos. Podedes ver algunha do partido en Allariz na nova correspondente (máis abaixo) ou picando na seguinte foto:

O BOADO RETÍRASE DAS COPAS

2011-11-03T19:27:00.000+01:00

O Boado deixa atrás un tema que aínda que lle ten dado moitas alegrías, tamén deixa resacas.

E alá fomos, para alegría de tantos, os primeiros, os da Manchica. E despois outros... chamarémoslle IN-NOMBRABLES, os que xusto esta semana aprenderon a mecanografiar, ou que de repente agroman os ordenadores en Xinzo coma se os regalasen.

E si, quen dixo que non estabamos fodidos? Estamos, e moito.

(Miranda disputa un balón con Bautista, o grande xogadore da Manchica)

O partido foi un típico partido destas categorías e un atípico partido do Boado, xa que desta volta foi de máis a menos. O primeiro tempo resultou ser dun dominio case insultante dos laranxas, mantendo o respecto que se presupón.
Víronse xogadas de mérito, e tamén hai que recoñecer que A Manchica non se agachou, sabe as armas que ten, e con elas foi á guerra.

(Pablo, o martes omnipresente, conduce)

O segundo tempo foi peor, peor en xeral, e sobre todo para os visitantes, que perderon novamente a batalla por asentarse no campo, e abofé que o pagaron.
Certo é que puido gañar calquera, pero o Boado non o mereceu máis.
O partido, non exento de emocións e polémicas, foi chegando ó remate. E dalí ós penaltis.
Houbo máis sorte no lado azul, digno merecedor do pase. Lamentando unha incidencia cun afeccionado local, os azui puideron festexar nas Escolas o triunfo.

(Pisto, estandarte do Boado, saca o balón)

E se de triunfo falamos hai que apuntar a asistencia de limiaos a terra da cerámica. Unhas corenta, CORENTA (que non as hai de locais noutros sitios) foron á MAnchica, pagaron os 3 abusivos euros por ver xogar ao Boado. Probablemente non lle mereceu a pena, pero a festa que alí se armou outros nin a viron, nin a verán nin sequera lles alcanza para soñar con ela. Sentímolo.
Estas categorías teñen sentido cando ocorren estas cousas.

(José, a gacela do Villasana, gaña a carreira ao seu par)

Agora, o Pîñeira, clube irmán, co que pelexaremos no campo, incluso berraremos con eles, e ata nos enfadaremos, pero coa garantía de que o luns, tomaremos café xuntos.

DE COPAS NA MANCHICA

2011-11-01T10:53:00.000+01:00

Hoxe á tarde, a partires das 16:30, no campo da Manchica (As Escolas) xogarase unha eliminatoria de dezaseisavos de final da Copa Deputación "B", entre o equipo local e o Boado FC.
Está en xogo o pase a octavos de final, que se disputaría, tamén a partido único, o 6 de Decembro. O equipo que pase hoxe será local na próxima eliminatoria, contra o gañador entre Lobios e A Merca.
Os da Manchica teñen un equipo remozado, que comezou a cambiar dende que cambiou o adestrador, e está en clara liña ascendente, aínda así o obxectivo do ascenso parece algo afastado, polo que a Copa é a mellor oportunidade para os azuis de facer un bo ano.
Por outra banda temos ó Boado, que conta, como nas últimas datas,con varias baixas, aspecto que non dificultará a presenza dun equipo competitivo.
Faltarán Fernando, que ten unha perna doída dende o sábado, Iago, por motivos persoais. Boya, que continúa recuperándose. E hai as dúbidas de Ricky, Luca e Palomanes.
Que gañe o mellor, se o Boado é mellor.

TEMOS PENDENTE...

2011-10-31T19:40:00.001+01:00

A dirección de BOADOFC.BLOGSPOT.COM sabe que aínda está pendente o 1x1 do anterior partido (Boado - Manchica) e deste (Allariz B- Boado). Nos próximos días verémolos, e tamén veremos:
- os caretos de tódolos xogadores do Boado
e poderemos despois votar ó máis guapo, ó máis feo, etc.

E algunha fotiño do partido do sábado, que aínda non chegaron á redacción.

SORPRESA E FESTA EN ALLARIZ

2011-10-31T19:36:00.000+01:00

O Boado foi quen de tinxir de laranxa a vila alaricana o sábado.

Emocionante partido o vivido o sábado á tarde no Cid Carriega de Allariz, onde o Boado saíu sorprendentemente para moitos victorioso dun encontro vivo ata o final.

As baixas asolagaron ó equipo, e aínda así, o compromiso dos de Boado notouse, e o Cubano alineou a:

Parada

Fandinga- Fernando- Pisto-Delfín

Miranda

Vispo- Marquiños

Luca Vila

Ricky

O partido estaba previsto para as 16:00, aínda que comezou uns minutos máis tarde.

(Palomanes axúdalle a Parada a quecer)

As bancadas presentaban un aspecto impresionante. Nunha beirada a afección local, e noutra a limiá, que se desprazou en masa.

Os primeiros compases foron para comprobarse mutuamente. O Boado quería ver o porque da fantástica xeira de resultados dos verdes, e o Allariz non se fiaba dun equipo imprevisible.

O partido comezou bonito, con disputas interesantes, carreiras vistosas por ambos bandos, e tamén serviu para que a parella de centrais do Boado se fose asentando, e así poder firmar un partidazo.

As dimensións do campo e a superficie fixeron que as xogadas non durasen moito, aspecto que lle é novidoso ao Boado, acostumado á parsimonia de xogar na Moreira. Aínda así, Ricky xa estrelara un balón no pau cando algún aínda se estaba sentando.

Contamos con outra ocasión laranxa, e pouco máis. Pero chegou a indisposición de Marquiños, que tivo que abandonar o terreo. Entrou José, o que sempre aporta algo novo, pasando Vila ao medio. Este cambio sentou moi mal aos do Cubano e non conseguiron compoñerse ata o descanso, pero daquela xa ó árbitro se lle acordara pitar un penalti, de Parada sobre Aram, o mesmo xogador que fixo o 1-0.

A xustiza sería ver un empate pero así foron as cousas.

No descanso había unha mestura de nervios e confianza nos xogadores do Boado, que argallaron a estratexia precisa para rachar o muro alaricano.

Con Vila máis descolgado cara arriba, axudándolle ao traballador Ricky, deixando ó Vispo con campo para correr e comandados por Miranda o equipo foi collendo mellor e mellor cor.

Aínda así non se acababa de compor a cousa.

Nunha falta algo afastada destapouse o defecto da defensa do Allariz B. Pisto remata (de xeito poderoso, iso si) unha falta no segundo pau, ó poste, cando moitos cantaban o gol. O rexeite foi para Fandinga, pero tropezou nalgún verde.

(Rondo de quecemento)

Entón o Boado deuse conta por onde iría o perigo. Así comezaron a acumular faltas nas proximidades da área e as conseguintes ocasións de gol.

Daquela xa Pisto e Fernando decidiran mandar no partido, e así o estaban a facer. Aínda que se tivo que lamentar unha nova lesión, desta volta de Luca, que pese a estar mermado, deu bo rendemento.

Falta a 30 metros, saca o especialista, Ricky, cabecea ben Palomanes pero rexeita o meta Jhonny. E aí estaba, alí apareceu, alí empurrou por onde podía entrar o balón, José, o espigado e batallador medio do Boado. Era o 1-1 e o Boado ao fin vía recompensado o traballo.

(José quenta, logo sería o merecido protagonista)

E lonxe de durmir na alegría do gol, seguiu a mesma dinámica. O Boado apretando,o Allariz perdido, sen saber ir para adiante nin para atrás, e os laterais do Boado puideron adiantar algúns metros, e así Delfín e Fandinga deron máis de si.

(Vila conduce o balón cara a portería rival)

Palomanes tivo tempo de estrelar novamente un balón na madeira, conseguindo que as ducias de persoas de Boado botasen as mans á cabeza.

E nunha arrancada, con máis forza que xeito, Camilo chega cerca da área, onde o tiran. Ricky colle o balón, o reloxo daquela xa picaba no minuto 85, e coloca aos atacantes. Pisto, Vispo, Palomanes... no segundo pau, José ao primeiro e Vila con liberdade. Ricky colga con precisión o balón onde estaba acordado e o dianteiro da Praciña (barrio moderno de Boado) acerta cun cabezazo.

Explosión de alegría no Campo do Seixo. As bancadas ateigadas de xente limiá viñéronse abaixo para festexar que o fútbol desta volta fose xusto.

De aí ata o final, lección de veteranía do Boado, que suma así 19 puntos na clasificación.

( A defensa do Boado fixo un partidazo, contundente)

OS DETALLES:

O PEOR: Os insultos recibidos polo noso xogador José, que impotente por unha situación da que xa estamos aburridos, non se contivo.

O MELLOR: O crompomiso dos xogadores do Boado. É difícil ver nos vestiarios a unión que hoxe hai. E elixo como exemplo a Sandro, un xogador acostumado a saír de titular os dous anos anteriores, sendo peza clave do ascenso. Aceptou deportivamente tódalas decisións que o míster tomou para o posto no que lle gusta xogar, de central, e lonxe de virse abaixo, adestra cada día como o que máis. Esta semana semana debutaba un novo central, Fernando, e a actitude de Sandro, (un dos capitáns do Boado) foi manter un altísimo grao de compromiso, esperar a que o adestrador o metese e logo rendir ao máximo.

Máis mostras? Pablo dirixindo o quecemento e axudando no que podía nun día no que non se puido cambiar. Boya animando dende a grada tanto tempo como durou o partido. Iván de Castelaos alí coa moza , Manuel tamén alí estaba ,Monty preguntando polo resultado inda non ben acabado o partido. Iago animando polo chat....

BOA NOVA: O regreso de Fernando. No Boado hai xa 6 xogadores que naceron ou se criaron na pequena aldea que da nome ao equipo. Despois de Villa, Parada, Delfín, Pablo e Camilo, volve Fernando. Ademais de ser boa nova por ser de Boado, é unha boísima nova polo partidazo que fixo, de menos a máis, regalando un derroche de sacrificio, forza e saber estar.

INCRIBLE: O ambiente das bancadas. Ducias de persoas se desprazaron ata Allariz para animar a un Boado doente polas baixas. Aínda así a confianza que a xente ten ben se viu ao chegar ao campo e ver alí máis público visitante que local. Xente de tódalas idades ao servizo dun clube que coida á xente. E como estandarte a mocidade. Adrián, Colás, Iris, Patxin, Álvaro, e tantos e tantos amig@s, familia, veciñ@s dos nosos, racharon a aplaudir coa victoria.

(A familia do Boado festexa a victoria)

CRÓNICA DUNHA MORTE ANUNCIADA?

2011-10-28T16:23:00.000+02:00

Ó sábado, no Cid Carriega de Allariz, o Boado vai disputar un dos encontros máis difíciles da tempada, como así o demostra a clasificación, que comanda precisamente o Allariz B, con 7 partidos gañados e un empatado. A man do adestrador de Xinzo nótase ben.

Aínda que as malas novas non fan máis que acumularse para o equipo de Boado. Toño Cubano terá que improvisar un 11 cando menos extraño, pois son moitos os xogadores habituais que non se vestirán de curto o domingo.

O espectáculo arbitral da semana pasada pagámolo agora, con Pablo e Paz sancionados.

Do mesmo partido saiu lesionado Pablo Kolega, que a pesares das muletas de toda a semana, quedará na bancada.

Por motivos persoais serán Monty e Iago os que non acudan á cita do sábado.

E con asuntos profesionais Khalid tampouco estará. Por estudos, Pisto.

Así suman 7 os xogadores do Boado que descansarán esta semana, e aínda así, os ánimos seguen arriba. Hai un ruxe ruxe de que está a piques de crearse un grupo de animación para o Boado FC, con percusión e palmas.
Hoxe complétase a semana de traballo, extraña semana por mor do tempo, e o míster comprobará a evolución de Luca, aqueixado dunha pubalxia e Ricky, que escordou o nocello o mércores.

A esperanza laranxa esta semana pasa polo debut dun bravo central que volve ao equipo. Fernando (co que o plantel suma o seu sexto xogador nacido en Boado) pode ser a clave dun equipo remozado para a ocasión.

Hoxe entrénase en TRASMIRAS

2011-10-26T12:46:00.000+02:00

Finalmente hoxe adestraremos no Polideportivo de TRASMIRAS, en horario de 20:00 a 22:00.

Unha xestión de última hora permitiu á directiva do Boado reservar as instalacións de TRASMIRAS para o adestramento de hoxe.
Estaba previsto que fora para as 19:00 en Sarreaus, pero cambiámolo para as 20:00 en TRASMIRAS.

O motivo do cambio son as condicións climatolóxicas que sufrimos na Limia estes días.

Avisade a quen poidades, grazas. E grazas tamén ó Concello de Trasmiras.

BOADO 2- A MANCHICA 1

2011-10-24T17:30:00.000+02:00

O Boado saíu victorioso nunha tarde extraña na Moreira.
O árbitro foi demasiado protagonista o sábado e iso foi que o campo fervese como facía tempo que non facía.
Tarde bonita, nada de sol nin tampouco de frío. O Antela Xuvenil de Toncho e Carliños gañara ao Soutopenedo 3 -1 antes. E ás 18:00 comezaba o espectáculo.
Saían ó campo:

                   Iago
Fandinga- Paz- Monty- Khalid
               Kolega
         Vispo - Marquiños
Pablo                                 Vila
                 Ricky

E o balón comezaba a andar. Ainda non estaba a xente ben situada no seu sitio cando un balón preciso chegaba dende o medio do camp, saía das botas de Kolega, para que Ricky aproveitase un erro defensivo para firmar un señor gol. Vaselina ó porteiro e balón á rede. Con dedicatoria especial A Moreira regalou o primeiro berro da tarde.
O Boado seguíu enchufado, e aínda tivo algunha ocasión máis nos primeiros compases, todo isto sen que o balón chegar aínda á banda esquerda do ataque.
Unha xogada de Pablo, unha máis, permitiu a Ricky recibir na frontal, dentro da área, para recibir unha escandalosa patada do central, que pouco se atreveu a protestar. Once metros, e ninguén lle discute a Ricky a súa autoridade aí. Engaña ao porteiro e para adentro. Gol, outro de do 9.

(Ricky prepara o balón para lanza-lo penalti , que sería o 2-0)

Logo o Boado empezouse a poñer nervioso, por outra banda normal, pois ir ós 10 minutos 2-0 non é habitual. Comezou o empuxe visitante. Varios foron os intentos, sobre todo coa carreira de Reyes, a presenza de Bautista e a calidade de Mojón e Meixeira.
Aínda así, Marquiños deixou fácil o balón a Vila, que aínda non tocara unha, para que este disparara potente dende fóra da área, e o balón marchara lambendo o pau.
Había daquela que lamentar xa a lesión de Kolega, que se queixou dunha escordadura que o fixo abandonar o campo.
Algunha ocasión máis contou o Boado no seu haber. Por exemplo, un remate de cabeza de Vila, unha internada de Vispo, unha xogada na que Ricky non ve a Pablo, mellor colocado. E sobre todo, a xogada da tarde. Balón de Khalid na súa banda,regate a un, parede con Pablo, regatea a outro, do qeu se vai en velocidade, cede a Ricky, que lla devolve con calidade, e Khalid desfaise doutro xogador para poñerse diante do porteiro, a quen non lla mete por moi pouco.
O partido foise trabando, e numerosas as tarxetas que se acumularon.

No segundo tempo as cousas cambiaron. Os primeiros minutos foron iguais que o primeiro tempo, doses de bo fútbol combinadas con necesarios patadóns. Algún detalle de calidade, sobre todo nos regates dos locais, e moita xenerosidade nos laranxas, que non se cansaron de combinar unha e outra vez.
Os cambios comezaron a aparecer. E a Manchica tamén estaba a apretar máis e máis, ata que nunha xogada na que os locais perderon o balón no medio do campo, conseguen materializar o 2-1.

( Iván Fandinga , aquí, lección de roubar un balón sen facer falta)

O Boado tivo que recompoñerse, pero o árbitro daquela xa decidira que sería o protagonista único e absoluto, sobre todo, co tema dos balóns. Cando un deles saía fóra, pedía, tras o lóxico reclamo visitante, outra pelota ao delegado boadés, onte Gerardo,que o daba, para atopa-la sorpresa de xuntar dous balóns no campo. Entón a rabia dos visitantes traducíase en despexes fóra do campo, o que imposibilitaba así a devolución ràpida dos mesmos. Esta situación repetiuse varias veces.
E nunha desacertadísima decisíón, o colexiado decide expulsar a Pablo, por ir precisamente por un balón. Esta acción repetírona ata a saciedade os visitantes sen atopar cartón por elo.
A tensión foi crecendo, e cando os reloxios dos asistentes marcaban que quedaban 10 minutos, o colexiado dixo que 25.
Houbo que xogalo, máis ben sufrilo, porque pouco fútbol se viu, só nas aparicións de Palomanes, o traballador José e o incansable Vispo, que foi de menos a máis para rematar facendo un bo partido.
Máis atrás era Miranda o que temporizaba e Monty lideraba a unha defensa máis que eficaz.
Houbo ocasións para os dous lados, pero probablemente máis claras as locais, salvo un remate alto da Manchica.

( Imaxe das últimas xogadas do partido, a Manchica contra o muro boadés)

Así, o reloxio camiñaba lento, e o público comezou a ferver. As máis de duascentas persoas comezaron a levar ao Boado ás cabaliñas para así poder ofrecer unha nova victoria nunha nova tarde de emoción, fútbol e ilusión na Moreira.

Incríble a resposta do público limiao. Non se rexistraron eses números de espectadores na Moreira dende a tempada 2002-2003. O futboleiro Manolo Cameán falaba no seu blogue de 217 persoas.

Esta semana...

2011-10-21T19:13:00.000+02:00

Unha semana máis o fútbol humilde vístese de importante para recibir unha xornada chea de cousas interesantes:
O sábado temos un interesante BOADO FC - A MANCHICA, que servirá para calibrar ao equipo do Cubano e para ensaiar para o partido de copa do día 1. Será ás 18:00.
Aposto por un resultado curto, en calquera dos sentidos. (1-0).

Tamén o sábado, aínda que fóra da nosa terra, xógase o Paderne-Muíños, un duelo polo ascenso.Aposto polo Paderne.

Xa o domingo teremos outros moitos partidos interesantes.
O Antela recibe ás 17:00 ao Rante de San Cibrao, un equipo que lle custa engancharse á Liga. Non creo que o Antela perda puntos, pero non se pescan as troitas cas bragas enxoitas. Sorte aos veciños.

O Cualedro recibe na casa ao actual finalista da Copa B, que deixou mostras o outro día en Xinzo de ser un rival importante. O Cualedro é capaz perfectamente de ganar, así será. Será ás 17:00.

O Vilar de Barrio recibe no seu feudo ao Rocas de Champi. Un colista con fame de puntuar, aínda que o remozado V.de Barrio debería pasar por riba. Confío nos do amigo Cameán. Ás 17:00

E o Piñeira, clube case irmán do Boado, irá á Pasión de Gavilanes, medirse contra o Xunqueira. A pesar do empate do domingo, o Piñeira segue arriba e pode gañar ante un equipo que de fútbol nada de nada.

Na Terceira Autonómica o Arnuíde recibe ao Vilardebós, mentres o Calvos fai o propio co Riós. O Porqueira tamén xoga na casa, ante o R.Ourensano.

Festa o sábado na Moreira coa Manchica

2011-10-21T14:44:00.000+02:00

Bo partido o de mañá na Moreira, entre un Boado en boa liña e unha Manchica que se reforzou para subir postos, que abofé o farán.
O míster non o vai ter fácil para face-la convocatoria, pero seguro que ninguén se enfada.
Ás 6, na Moreira.

Amigos, xa case arde en Boado

2011-10-19T16:49:00.001+02:00

Amigos, a traxedia xa está no monte boadés.
Alguén plantou outro foco máis cerca de Boado, e como fumo non se ve, pero o máis probable é que pasara a pista de Pena, e se non o fixo, farao en breves.
O cheiro a fume é asfixiante na miña casa, e está aínda a 1 quilómetro.

ARDE EN PIDRE!!

2011-10-19T16:38:00.000+02:00

Información en directo.

Está ardendo o monte de Pidre cara Pena.

Empezou fai un cuarto de hora, e despois de avisar aos servizos de extinción pasaron unha avioneta e mais un helicóptero, pero as chmamas continúan a crecer.

O vento está cambiando moito, non se sabe ben para onde irá.

O drama do lume nos monte vívese agora mesmo tamén nas nosas carnes.

IMOS BAILAR Á MANCHICA O SÁBADO

2011-10-19T10:28:00.000+02:00

RANTE- BOADO , o 1x1 do partido

2011-10-19T10:08:00.000+02:00

Quedan xa actualizadas as estatísticas no apartado "1x1 de toda a tempada" .

IAGO: 8
Apenas tivo traballo, pero se o tivo, respondeu ben.

FANDINGA: 9 (o mellor)
Perfecto na defensa, e con incorporacións salientables ó ataque.

PISTO: 7
Máixma contundencia, pero lástima de expulsión.

PAZ: 7
Moi correcto, aínda que o bote do balón lle xogou algunha mala pasada

KHALID: 7
Custoulle entrar no partido, pero acabou co dobre de forza que o resto

MIRANDA: 8
Moito criterio na saída do balón, e moita axuda na defensa

VISPO: 8
Traballou incesantemente, deixando mostras de porqué merece xogar

MARQUIÑOS: 8
Moitos momentos brillantes no primeiro tempo. No segundo houbo menos fútbol para todos.

LUCA: 7
Outro gol. Non aforra esforzos nas carreiras. Unha lesión no pube deixouno na caseta no segundo tempo.

VILA: 7
Sen brillar, aportou en ataque e defensa. Mellor de central.

RICKY: 8
Non meteu pero axudou decisivamente nos dous primeiros. Capitán.

-trocos-
JOSÉ: 9
Outra vez máis revolucionou. Entrou co partido tolo e quen o toleou ó final foi el.

PALOMANES: 9
Efectividade na súa participación. Un aire novo.

KOLEGA: 8
Cortou todo o que había que cortar no medio do campo. Espectacular tiro dende o centro.

SANDRO: 8
De central e lateral foi unha garantía. Levou o brazalete ó saír Ricky.

SANTI:7
Vovleu a ser o das primeiras xornadas, contundente. Pero non tivo excesivo traballo.

IMAXES DO PARTIDO

2011-10-17T10:52:00.000+02:00

Chegaron á redacción de boadofc.blogspot.com as seguintes imaxes do encontro do pasado sábado.

(Ricky, onte capitán, busca a Vila, no segundo tempo)

(Disputa no medio do campo por un balón de Ricky, coa supervisión de Vispo preto da xogada)

(Pisto intenta conducir o balón tras un roubo ante a mirada de Iván Fandinga)

(Espectacular volea de Vila que remata no longueiro)

(Ricky saca unha falta no primeiro tempo, Luca fai forza na barreira defensora)

Tino, vai por ti

2011-10-15T20:58:00.000+02:00

Hoxe, 15 de Outubro, cúmprese un ano do falecemento dunha das almas do Boado, TINO.
Socio nº 1. Presidente de Honra. Gañador do primeiro sorteo celebrado polo Boado, no 2009. Fiel seguidor do equipo do seu pobo.
Aínda que chovera, orballase, quentara o sol o nevase, el, co seu inseparable Marcial, recorrían os campos da provincia portando o soño do Boado.
Por ti, TINO, por ti vai esta victoria, este gol, esta tempada e calquera triunfo que veña algún día.

A Directiva do Boado FC e a plantilla queren mandar un especial saúdo aos irmáns Camino, e a Marcial.

Rante 0 - Boado 3, tres puntos máis

2011-10-15T20:51:00.000+02:00

O Boado FC merendou esta tarde ao CD Rante no campo de Soutopenedo.
A emoción do fútbol viviuse hoxe na casa dun Rante que non foi quen de facerlle nada ao Boado.
O míster tivo que prescindir de homes como Pablo López ou Iván por lesión, e xa por decisión técnica, de Monty, o grande capitán, de Manuel, de Parada, de Villa, de Sergi, etc.
O equipo saíu así:
Iago
Fandinga Pisto Paz Khalid
Miranda
Vispo Marquiños
Luca Vila
Ricky

( O Adestrador, Toño "O Cubano")

Con este novo sistema o Boado atopouse moi cómodo no campo, en grande medida polo triángulo Miranda- Vispo- Marquiños, que unha vez colocados foron quen de dominar o partido.
Aínda así os visitantes comezaron dubitativos, e o Rante fíxose co ansiado medio do campo, pese a que non se traduciu este dominio en ocasións de gol. Que si tivo o Boado. A primeira, no minuto 2, nas botas de Vila, que despois dunha perfecta xogada recibe o balón, e despois dun defectuoso bote, non acerta a rematar ben.
O equipo foi comandado por Pisto dende atrás, un rapaz cunha louvable actitude, pois a motivación que ten é cando menos igual que a de calquera.
Miranda limpando todo e Vispo e Marquiños creando foron os donos do fútbol.
E mérito tamén o de Ricky, que como único punta foi quen de fixar aos centrais, sendo a referencia en ataque.
O propio Ricky sacou unha falta perigosa, ao borde da área, máis propia para un zurdo. Ricky botou o balón fóra da barreira e buscou o ángulo inferior da portería, a onde chegou con apuros o porteiro, que non soubo atallar. Vispo apareceu coma un tanque para provocar un rexeite, que caiu nos pés de Vila, quen só rivo que empurrar.
O Boado lonxe de relaxarse, animouse máis, e as ocasións ían chegando, e nunha Ricky habilitou perfectamente a Luca para que este á reviravolta marcase, establecendo así o 0-2.
O xogo continuou con ataques do Rante, que foron freados por Paz , Pisto e os laterais, onde hoxe volveu destacar Iván Fandinga, que fixo un partido perfecto salvo por un erro de entendemento con Iago que case sae caro.

Descanso, e merecido refrixerio. A calor era moita, e o pó do campo dificultaba a visión.
O segundo tempo comezou con novos intentos boadeses, ben nas botas de Vispo, Ricky, Vila ou o recén entrado Palomanes. Destacou unha volea case perfecta do dianteiro de Boado, que deu na madeira.
O xogo foi desaparecendo a medida que os folgos tamén o facían, e diso aproveitouse xente como Khalid, que se fartou a subir e probar sorte.
Aínda que mediado segundo tempo o Rante quixo xogar algo, e mesmo tivo ocasións. Destacou un saque de falta que ninguén tocou, nin locais nin visitantes e case entra.
Chegou logo diso a expulsión do partido, Pisto por dobre amonestación (ambas por entradas nas que si tocou o balón, pero con unha intensidade á que non están acostumados os árbitros).
As ocasións logo diso foron sempre do Boado. Tres contra o porteiro que non se soubo rematar. Kolega contra o porteiro que non entrou. Saída do porteiro e falta fóra da área a Palomanes. Tiros de cerca. Tiros de lonxe, onde destacou un lanzamento de Kolega dende o medio do campo, que marcou fóra por pouco.
Xa contra o final, e na enésima xogada de mérito do revolucionario José, que volveu firmar un partido excelente, un pase seu deixou só a Palomanes, que batiu por baixo ó porteiro. 0-3.
Logo un carrusel de balóns colgados, que os defensas boadeses, Sandro( que daquela locía o brazalete), Paz, Vila e Santi, despexaron sen problemas.

(Palomanes debutou hoxe na Liga cun gol)

Máis nada, o Boado segue firme no seu camiño, que aínda non ten destino marcado.
O aplauso da tarde debía ser para os moitos afeccionados limiaos que se desprazaron ao partido. Cerca de tres ducias de persoas, mérito ao alcance de ben poucos.
E digno de mención é tamén o esforzo do plantel, xa que dificulta as cousas ó adestrador. Nunca os cambios no Boado significan baixón de nivel, iso é unha grande baza. E a implicación do equipo demóstrase na presenza hoxe na bancada de varios xogadores desconvocados.

(Este sistema de suxección - unhas bridas- da mostras da inmensa calidade de Pisto)

IMOS A RANTE

2011-10-14T18:35:00.000+02:00

Mañá, sábado 15 de Outubro o Boado FC visita o campo do Rante, que comparte por certo, co sempre polémico Soutopenedo.

A expedición concentrarase arredor das 3 da tarde no bar O´Trebello, na rúa Lepanto.

A ilusión é voltar con puntos, se poden ser os tres mellor aínda. O conxunto local non disfruta dunha posición relaxada na táboa, xa que se atopa, con 5 puntos, en posicións de hipotético arrastre a 3ª Autonómica. Así, o Boado visita un ano máis o campo do Rante, con quen compartiu ascenso na pasada tempada.
O equipo limiao precisa puntuar para mante-la ilusión de verse nos postos nobles da categoría.
Pablo López causa baixa por problemas nun xeonllo, ao igual que o mancado Iván de Castelaos.
O resto de homes estarán hoxe na Moreira a partir das 20:45 ás ordes do míster, ou ben mañá para optar a un posto no once.
Despois dos últimos partidos parece difícil a labor do adestrador, xa que o listón que pon cada xogador que salta ao céspede (ou o que sexa) é cada vez máis alto.

Destacamos o regreso de Miranda ao campo que un día o viu vestido de local.

(Jorge Miranda anunciou que non celebrará se marca, quere respectar as instalacións)

ADIANTE NA COPA

2011-10-13T17:30:00.000+02:00

O Boado FC impúxose na tarde de onte a un duro rival, o Entrimo, actual subcampión da mesma competición, a Copa Deputación B.
O partido disputouse ás 17:00 na Moreira, cun ambiente impropio para un partido destas categorías. Unha vez máis, o Boado FC consegue mobilizar aos limiaos para ir a un campo canso de rexistrar baleiros nos últimos anos.
O Boado saiu así:
   Iago
Fandinga - Pisto- Monty- Khalid
              Kolega- Vispo
Pablo José
           Luca- Ricky

Destaca a presenza no equipo local de dous debutantes onte. Por unha banda temos a Palomanes, Pishas, que volve ao que fora a súa casa o ano pasado tras un fugaz paso polo Monterrei. E tamén debutou o grande esperado pola afección boadesa. O unico xogador que dipuña dun lugar reservado no vestiario de Pontecela, Rubén Colmenero, Pisto. Ven despois de rexeitar a posibilidade de xogar na Preferente Autonómica, nas filas do Sporting Celanova, do que se desvinculou esta mesma semana.

(Pisto amosa a súa alegría por xogar no clube onde quería e onde o querían)

O Boado xogou como ten que ser, como non estamos acostumados a ver. Involucrou á afección dende o minuto un, cun xogo entregado. Sería inxusto destacar a calquera dos 11.
A mágoa foi a substitución obrigada de Luca, que por unha indisposición deixou o sitio a Palomanes, autor do primeiro gol, tras un rexeite. Debut inmellorable para o dianteiro con raíces en Morgade.
O segundo chegaría nunha xogada ben trenzada entre varios xogadores, que remata perfectamente Vispo a pase de Ricky.
Foi un primeiro tempo de ensoño, cun rendemento excelente.
A segunda parte serviu para comproba-lo desgaste do Boado. Malia el foi quen de facer valer a superioridade e só nunha serie de rexeites puido o Entrimo bater a Iago.
Os trocos foron sucedéndose progresivamente, entraron: Miranda, Manuel, Marquiños, Sandro e o goleador Palomanes.

Destacar futbolistar serían inxusto, dado o nivel mostrado onte, aínda que os asistentes apuntan ás seguintes claves:
- Derroche de músculo no medio do campo
- Traballo nas bandas, con improvisación
- Paciencia do equipo
- Calidade na saída dende a defensa
- O balón de osíxeno que significaron os cambios

Isto da mostra da forza do Boado, que tivo que deixar fóra da convocatoria a tres ilustres como Parada, Villa e Delfín. Ademáis de Paz, Sergi e Santi. Vila por motivos laborais e Iván Castelaos pola lesión quedaron na casa.

Seguinte proba para o Boado, o día 1 de Novembro, na Manchica. Adiante!!

O Mobles Andrade tamén gaña

2011-10-12T16:19:00.000+02:00

Compartimos Presidente de Honra. Compartimos ilusión polo deporte. E somos clubes amigos, por iso hoxe centrarémonos no partido do Mobles Andrade.
Esta mañá disputouse no Pavillón de Xinzo de Limia un bo partido de fútbol sala, correspondente á categoría de 1º B, na que compiten equipas pontevedresas e ourensás.
Os fieis ao fútbol sala puideron ver un bonito encontro na pista azul.

O equipo adestrado por Chichas saiu con Manso, Charly, Lucho, Luís e Diego. Enfronte estaba o San Martiño, de Moaña, da zona do Morrazo.
Non tardou o equipo local en adiantarse, por medio de Diego de Nocelo, que con máis raza que xeito acertou en bater ao porteiro por abaixo.
Poucos minutos máis tarde Lucho- Luciano inventa un regate xenial para chegar co balón ao campo contrario, ver a Diego que cede a Luís, quen á reviravolta mete un trallazo que entrou pola escadra. O pavillón quecía e quecía cos goles locais.
O ritmo foi baixando, e o carrusel de cambios daba o osíxeno que se precisaba.
Saltaron Xurxo, Iván Cabrera, Raúl Rivero e outro traballador xogador do que non temos constancia do nome, co número 6.
Os moañeses fóronse vindo arriba e marcaron, mediado o primeiro tempo, o 1-2. E nunha xogada desafortunada o balón, despois de petar nalgún defensa local entrou na portería de Roberto Manso.
O público non era multitudinario, pero animoso e festeiro si. E as bromas corrían pola bancada, sobre todo coa chegada de Champi.
Os nervos comían aos presentes, sobre todo ao presidente.
Antes do descanso xa se encargara Diego, con moita clase, cun rápido movemento de pés, de poñer aos locais en vantaxe.
Despois do tempo de refresco presenciouse o partidazo do recén entrado Iván Chapis, porteiro do M. Andrade. Aguantou as embestidas visitantes, que eran contestadas sempre con bo toque e disparos potentes, coma un de Diego que ao bater na madeira move a portería.
O minutos avanzaban e o partido non estaba sentenciado nin moito menos. A homnipresenza de Riverito e a potencia de Diego foron dignas de mención. Tamén o criterio de Lucho e a pausa de Charly.
Os contragolpes repetíronse, e nun deles Luciano levanta a cabeza e maxistralmente sorprende a propios e e extraños poñendo o balón no único sitio por onde podía entrar. Un auténtico golazo con toda a intención, Lucho puxo o balón onde puxera o ollo. Aínda que as malas línguas falaban de centro-chut.
A ovación do público levouna.

(Lucho sinala a perna coa que anotou o gol )

Logo recital de Diego, o Touro Bravo de Nocelo. Tivo tempo para meter dous máis e pechar así o marcador.
A victoria converteuse en ampla, pero o San Martiño non desmereceu, e tivo ocasións de meterse no encontro ata o 5-2, pero tivo a mala sorte de topar a Iván.
Espectáculo dos limiaos, que se colocan así líderes da categoría con pleno de victorias nos seus partidos.

( Diego, o Touro Bravo de Nocelo foi a figura do encontro)

1X1 ACTUALIZADO

2011-10-11T16:51:00.000+02:00

Queda actualizado o 1x1 DE TODA A TEMPADA (na pestaña que está á dereita) con moitas NOVIDADES.

- Máis estatísticas
- Promedios do equipo
- Premios ós gañadores
- Normas do xogo
- etc.

Neste momento, o líder en puntuación é LUCA, con 47 puntos en 6 partidos.
A continuación está MARQUIÑOS, con 40, e detrás, FANDINGA E KOLEGA con 38.

E o liderato en promedios (puntos/partidos) está compartido entre IAGO e VISPO, con 8 puntos, seguidos de LUCA con 7,8. e FANDINGA e KOLEGA outra vez detrás, con 7,6.

Entra picando no balón:

PARTIDAZO DE COPA, VEN

2011-10-10T19:40:00.000+02:00

Grazas á Mari polo deseño do cartaz, NORABOA!

1x1 Análise, BANDE- BOADO FC

2011-10-10T19:19:00.000+02:00

( A entrada de José foi o revulsivo que o Boado FC precisaba)

IAGO: 9
Mantivo el só ao equipo no partido. Primeiro tempo perfecto, no segundo non traballou apenas.

IVÁN FANDINGA: 7
Outra vez o Iván sacrificado e que dominou o seu sitio. Acerto.

KHALID:7
Non lle tose ninguén, e súmase ao ataque. Levaría máis nota se non levase tarxeta e soltase o balón á primeira. Ben.

SANDRO: 8
Moi ben e moita melloría. De menos a máis acabou desquiciando a Toño Caldelas, xogador de renome.

KOLEGA: 8
Volveu ser o xogador contundente que é, aínda que lle encanta saír cara arriba. Saca a estratexia.

MARQUIÑOS:5
Xogou na primeira parte, onde todos foron discretos.

MIRANDA: 7
Notable actuación do medio de Castelaos. Mellorou moito tras o descanso, o equipo tamén.

PABLO: 6
Aqueixado por unha lesión non tivo a mellor tarde, aínda así, intentouno.

LUCA: 10 (o mellor)
A pesar da primeira parte, a segunda foi merecedora de tódolos eloxios. Incíble actuación. Hat Trick.
VILA: 5
Segue fóra do equipo. Condición física insuficiente.
MANUEL: 7
Desfondouse para o equipo. Xogou onde tivo que facelo en cada momento.

-trocos-
VISPO:8
A súa enerxía e entrega favoreceu a recuperación do equipo.
JOSÉ: 9
A súa entrada foi clave no cambio do equipo. Soltura e rendemento.

SERGI: 7
Facía falta que fixera o que fixo. Asistencia no último gol.

PARADA: 7
Con máis elegancia que velocidade soubo colocarse no campo. Comezou a xogada do 0-5.

VILLA: 6
Non tivo moito tempo, pero entrou con confianza mandando na defensa.

BANDE-BOADO, o Boado ten cara A e cara B

2011-10-10T18:08:00.000+02:00

Sábado 8, 17:00 horas, A Moreira, Xinzo. O día no que despertou a Bestia Azzurra.

O Bande está obrando no seu campo, polo que as directivas de ambos clubes, co beneplácito do Concello, deciron disputar o encontro no feudo limiao, aínda que os locais fosen neste caso os visitantes.
Para aclararase, o Bande era o que vendía as rifas.
O míster Cubano escolleu aos seguintes:

Iago

Fandinga- Sandro- Kolega- Khalid

Miranda- Marquiños

Pablo Manuel Luca

Vila

Os espectadores tiveron a obriga de aguantar un soporífero primeiro tempo para que o partido realmente empezase.

Un primeiro tempo para aprender del e non repetilo. Un desorde pouco habitual e moi perigoso, e que non deixou ningunha ocasión visitante salientable.

Non así para o bando local, Bande, que dispuxo de varias oportunidades de desequilibrar o marcador, cun xogo tosco pero con chegada. Iago empregouse a fondo, e menos mal, porque por momentos parecía un vendaval sobre a portería boadesa.

Polo ben do fútbol comentaremos xa o segundo tempo.

O Boado fixo algunha modificación táctica e poida que froito delo os resultados fosen diferentes, ou se cadra foi casualidade, ou probablemente o sentimento de culpa polo espectáculo ofrecido na primeira parte fixo espabilar ao Boado.

O Boado compúxose, e Luca e José nas bandas con Vispo na mediapunta pareceu mellor equipo.

E isto sumado co despertar dunha máquina de correr (ademais de guapo) fixo que o Bande levara un saco de goles.

Pase máis que preciso de José que Luca, rapidísimo, soubo convertir no 1-0, e o máis difícil estaba feito.

José foi o revulsivo, un partidazo do moreno interior. E habilitou novamente a Luca, que rapidísimo novamente, bateu ao porteiro, 2-0. Cómpre aquí deterse para analizar a carreira de Luca, que foi quen de sacar varios metros aos adversarios cada vez que lle daba por correr, iso si, con xeito.

José impredicible. Luca coma unha bala. Vispo omnipresente. O resto do equipo serio. Ingredientes para golear.

O segundo tempo foi digno de ver, salvo por algunha actitude pouco deportiva vista no campo.

O partido seguiu.

Vispo viu a Vila só, este foise en carreira, pero falla inexplicablemente (outra vez, consumando un partido malo) diante do porteiro pero o bravísimo xogador de Morgade Vispo recolle o rexeite, deita ao porteiro e con moita calidade fai o 3-0.

O partido xa entrou nun ritmo máis baixo.

Luca regalou ós ollos dos presentes unha nova e mellor aínda carreira de 50 metros para deixar atrás varios contrarios e ceder ao dianteiro de Boado para que sen porteiro fixera o 4-0.

O Boado asentouse no campo con algún novo cambio.

Os porteiros onte reservas, Parada e Villa tamén se sumaron á festa. Villa baixo paus os últimos minutos, e Para outra semana máis de mediocampista.

Nas aínda máxicas botas do pelado xogador do barrio boadés do Carballiño naceu o quinto e último da tarde. Controla, amaga e cede a Sergi, que a dous toques lla pasa a Luca, aínda con fame de gol, este fusila coa esquerda e quedaba así firmada a manciña que leva o Bande.

(Sen dúbida, Luca foi a figura do encontro)

O Boado anima e anímase.

Cabe destacar a masiva presenza de xente de Boado no campo. Sita, Sera, Vila, María, Pachín vello, Patxi novo, O Juapo ou o Periquiño son algúns deles. Así da gusto.

1x1 Análise, Boado-Xunqueira

2011-10-10T17:48:00.000+02:00

( O Parada foi capaz de saír ovacionado dunha ateigada Moreira)

IAGO: 7
Non tivo culpa, pero tres goles son moitos. Ben.

PABLO: 7

Esforzándose en prol do equipo, de lateral, con boas prestacións.

KHALID: 7
Non se arruga ante ninguén, sempre forte. Súmase ao ataque.

SANDRO: 6
Tocoulle bailar ca máis fea, Bautista, que meteu dous. Tivo momentos moi bos.

KOLEGA: 6
Fóra do sitio tivo dificultades para atoparse no campo. Mellorará.

MARQUIÑOS:7
Irregular, aínda que demostra que pode xogar. Condiciónao moito a parella que lle toque.

IVÁN CASTELAOS: 6
Non tivo tempo para contabilizarlle puntuación, pero para que non vaia de baleiro.

LUCA: 7
Nunca deixa de intentalo, derroche de esforzo. Faltou a puntería.

MANUEL: 7
Tivo que moverse fóra do seu sitio, e o xogo bruto do Xunqueira non lle axudou.

VILA: 5
A pesar de provocar o penalti final contábaselle moito moito máis.

RIKI: 7
Bigoleador cun partidazo, pero a expulsión foi un lastre.

-trocos-
MIRANDA: 7
Xogou ben e mantivo o sitio case sempre.Ofreceu a calma que se preciaba.

IVAN FANDINGA:6
A pesares da mala sorte no segundo gol do Xunqueira segue a un bo nivel.

JOSÉ: 8
Revulsivo aínda que silencioso. Ese gol sentou xenial ao equipo.

SERGI: 6
Apenas tivo tempo, e ofreceuse para as necesidades do equipo, traballo arriba.

PARADA:6
Apenas tocou balóns, pero a súa paixón contaxiouse no campo e fóra del.

BOADO - XUNQUEIRA, empate a todo

2011-10-10T17:47:00.000+02:00

Por mor das xa coñecidas vacacións do persoal desta ferramenta web non fora debidamente resumido o encontro disputado o sábado 1 de Outubro na Moreira de Xinzo, que enfrontaba ao equipo boadés con un potente Xunqueira de Ambía, cos coñecidos Luís María baixo paus e Juan Bautista na dianteira.

Incríble ambiente na Moreira, onde facía ANOS que non se vía un ambiente similar. Bo día, bo encontro, os xuvenís xogaran previamente alí... Moitos factores para conseguir unha entrada digna de categorías superiores, moi superiores.

O Boado partiu cos seguintes:
                   Iago
Pablo- Sandro- Kolega- Khalid
         Iván C- Marquiños
Luca Manuel
             Vila- Riki

O partido non foi esplenderoso, aínda que se alguén puxo fútbol ese foi sen dúbida o equipo laranxa, que pronto sufría o infortunio de ver a Iván de Castelaos lesionado, que deixa o sitio a Miranda. Confirmouse que o alcance da lesión é "escordadura de xeonllo", máis dun mes de baixa.
O locais deixaron pingas de bo fútbol, e nunha internada do avispado Luca que remata contra o porteiro, Riki está atento para empurrar un balón ó fondo da portería. A xogada seguinte de Vila puido significar o 2-0, pero o remate do dianteiro do polígono foi fóra por pouco.
E ao pouco, gol de Bautista, que levanta o balón na saída de Iago.
Na reanudación o Boado atascouse e o mesmo Bautista tivo toda a sorte do mundo ao atopar un balón que rexeitara Iván Fandiga axudado polo Kolega. 1-2.
Hou un carrusel de cambios no Boado, e a entrada de José significou un novo pulo para os locais, que empatarían ao pouco tempo cun bo gol de cabeza do espigado xogador boadés.
E na xogada seguinte unha estratexia perfectamente executada polos visitantes pon o 2-3 no marcador.
O Boado combinaba síntomas de desesperacións con doses de bo fútbol, e cando comezou a colgar balóns perdía o norte ás veces e noutras tiña perigo. Froito delo un balón colgado é saltado por Vila, a quen o porteiro Luís María derriba botándose contra el, agasallándoo cunha curiosa aperta.
Riki colle o balón decidido, engaña ao porteiro e 3-3.
O Boado recomponse e nun barullo o protagonista Riki é expulsado por rifar con un agresivo contrario, que non deixou de regalar patadas e cobadazos todo o partido.
Miranda, exausto, tivo que ser cambiado, e a Moreira toleou ao ver a Parada de curto. Saiu de mediocamapista, e recibiu tantas ovacións como balóns tocou.
O Boado conformouse así cun empate nun partido raro que puido perfectamente perder ante un equipo que non combinou nada de nada de nada, a pesar de ser un dos galos da categoría.

( Riki foi o protagonista do encontro)

VOLVEMOS Ó TRABALLO

2011-10-10T14:00:00.000+02:00

Despois dun tempiño de merecidísimas vacacións, volvemos ó traballo, a contar o día a día do Boado, ese equipo que non sei que ten que a todo o mundo lle cae ben.

1x1 Vilar de Barrio- Boado FC

2011-09-28T14:27:00.000+02:00

VILLA: 9 (O mellor)
Debut. Lección de humildade e esforzo. Non puido facer nada nos goles.

KHALID: 7
Intentouno unha e mil veces. Moito compromiso.

SANDRO: 6
Contundente todo o partido, lástima de erro. Deu seguridade.

DELFÍN: 8
Demostrou que o orgullo é unha baza importante. Liderou a unha defensa nova.

PABLO: 7
Aceptou xogar na defensa. Axudou no ataque. Lástima de lesión.

MARCOS: 7
Non estivo ao seu nivel, pero o primeiro tempo foi moi bo.

MANUEL: 6
Está colledo a forma e ofrece novas cousas ó Boado.

JOSÉ: 7
Non parou de intentalo. Un pracer contar con el.

SERGI: 6
Non lle saiu o que quería, aínda así deu unha asistencia case impecable.

LUCA: 7
Sen baixar a cabeza inténtao unha e mil veces. Correu por tres.

VILA: 7
Primeiro tempo levou gran peso do equipo. No segundo apenas estivo.

-troco-
SANTI: 3
Desfortunada intervención. Expulsión.

PAU Ó BOADO

2011-09-28T14:20:00.000+02:00

O Boado FC levou un bo pau o domingo en terras de Vilar de Barrio.
Foi un partido de circustancias extrañas.
Cando tódolos equipos da Limia xogan o sábado, o Vilar de Barrio-Boado, foi o domingo.
O equipo visitante tivo enormes problemas para sacar un once de garantías, motivado probablemente,pola festividade da Saínza.
Aínda así, o míster tivo 12 xogadores á súa disposición.
Saíu así:
Villa
Khalid- Sandro- Delfín-Pablo
Marcos- Manuel
Sergi José
Luca Vila

Houbo dous tempos ben diferenciados. O primeiro foi máis ben dominado polo Boado, que acertou cargando o medio do campo con numerosos efectivos, aínda que así Luca quedou só arriba. As ocasións tamén foron dos visitantes, a máis clara, centro de Sergi e remate de José que milagrosamente parou o porteiro.
Outra de Luca, dentro da área, o balón foi arriba. E aínda poderiamos contar algunha máis.
No último lance deste tempo, o porteiro local lesionouse e foi Figo quen se puxo na meta.
Arrancaba a segunda parte, cun Boado descoñecido, onde esqueceu o fútbol que demostrara (tanto o domingo coma no resto dos partidos) para non xogar a case nada.
E mérito de que o V. de Barrio non se adiantase antes é sen dúbida dun grandísimo Villa, que sorprendeu con dúas paradas dignas de campos con máis solera. Unha man ao pau curto e unha fenomenal estirada evitaron os tantos locais, que si chegarían nun erro clamoroso da defensa nunha falta lateral, onde aparecen dous atacantes sós, que acertan para empurrar.
Máis adiante, o mesmo, pouco fútbol, e algunha ocasión dos locais, que acertarían nun novo pero comprensible erro da zaga boadesa.
Despois nada máis, só paus.
Remate de Vila de cabeza, pau. Remate de volea, pau. E pau levou o Boado con este resultado tan negativo.

OS PARTIDOS DOS NOSOS

2011-09-23T19:30:00.000+02:00

Interesante fin de semana para o fútbol limiao. Haberá que ver como se porta a Saínza con todos nós.

O sábado comeza a festa. Ás 17:00 o balón empezará a correr.

Antela CF - Viana
Os locais examinan ao goleadores da semana pasada. Favorito é o Antela pero o Viana xa é un rival de entidade.

Paderne - Piñeira FC
Duelo entre dous equipos empatados que queren demostrar a que aspiran este ano. A solidez defensiva dos locais contra o poder ofensivo dos limiaos.

O domingo, coa resaca da festa, ás 17:00:

Cualedro - Allariz B
Chega o líder (empatado co Muíños) a Cualedro, onde pasará apuros, pois o campo condiciona o xogo, e aí o Cualedro ten moita vantaxe, porque demostra que sabe xogar aí. O Cualedro quere demostrar que o 2-3 á Manchica non foi casualidade

Vilar de Barrio - Boado FC
O derbi da semana. O equipo local está aínda en proceso de construcción, e quere aproveitar a condición de inferioridade a priori para dar a sorpresa. O bloque do Vilar de Barrio ten moito recorrido xunto, esa é a principal vantaxe. O Boado chega mermado polas ausencias, aínda así non quere baixar o ritmo e manterse na parte tranquila da táboa.

E na 3ª...
Arnuíde- R.Ourensán: O Arnuide medirase contra o Rayo Ourensán, un equipo de nova creación que alberga a máis dun xogador de recoñecido prestixio.

Calvos- Porqueira: O derbi da 3º. O Calvos quere reporse a escape contra un dos duros este ano da categoría. O equipo da Forxa conta con xente experimentada, Porto, Caamaño...

(escudo do Calvo non dispoñible)

A ROMERÍA DA SAÍNZA TAMÉN XOGA

2011-09-21T12:53:00.000+02:00

Esta fin de semana é a festa da Saínza, que paraliza á Limia enteira. A lexendaria batalla de mouros e cristiáns revivirase un ano máis, e as repercusións desta pelexa chegará ata os campos de fútbol.
Cos horarios aínda por confirmar, sábese que o Antela CF xogará o sábado contra o Viana, para evitar así os excesos desta festa que tingue de vermello ás xentes, por dentro e por fóra.

E o Boado FC desprazarase na tarde do domingo ata as chairegas terras de Vilar de Barrio, para enfrontarse aos Camean´s Boys, que decidiron non adiantar o partido, como declarou Manolo Cameán para "xogar as súas armas" contando que a troula da fin de semana pase factura nos xogadores laranxas.
O Boado conta nas súas filas con xogadores como Iván Fandinga,Luca, Iván de Castelaos ou Miranda, nativos da zona de Rairiz-Vilar de Santos, pero xa avisaron de que o compromiso co Boado é maior que as ganas de esmorga, e irán ó partido.
Ata o segundo adestrador do Boado, aínda se estrearse, Isaac Gómez, é da terra da Carballa.
Dous membros da familia do Boado, Khalid e José son de familia árabe, e tamén teñen na festa un bando a quen apoiar, entre risas, copas e troulas, por suposto.
O resto, de Boado, de Pidre, de Xinzo, de Morgade, de Abavides ou da China, non importa, estamos todos convidados.
Viva a festa venres, sábado e domingo á mañá, e o Boado pola tarde.

Dani Paz confirmou a súa asistencia á festa.

XOGADOR REVELACIÓN DA SEMANA

2011-09-20T10:27:00.000+02:00

O Antela xogaba en Rocas un partido máis, que non pasaría de ser o terceiro partido da competición senón fose por un xogador do equipo rival.
O CD Rocas oficializou a semana pasada a fichaxe de Anxo Fernández, despois dunhas duras negociacións.
E o xogador do Toxal puido así debutar precisamente contra o equipo que tantas veces animou.
Fíxoo de lateral esquerdo, por esixencias do guión, e lonxe de desentonar, converteuse na gran revelación da xornada, ANULANDO totalmente a xogadores de recoñecido prestixio como o batallador Iván Gas ou o imprevisible Camarón.
Só Marcos Lanas, tamén identificado como Otto (o dos Simpsons), foi quen de parar ao inspirado lateral do Rocas. Un pisotón desafortunado truncou as ilusións de Anxo, que tivo que retirarse en padiola, deixando así ao seu equipo claramente mermado. Grazas a iso, Javito puido consumar o hat-trick.
Cómpre recordar que ao descanso o gran Antela non pasaba do empate ante o colista, que notou en exceso a ausencia no segundo tempo do seu principal baluarte, Anxo Fernández.
Aínda así, e como declara o lateral, aínda non está ao cento por centoo, polo que recibiu expresas ordes do adestrador de non sobrepasar, baixo ningún concepto, a liña divisoria dos dous campos, unha mágoa, pois a afección antelana gostaría de ver as internadas do excéntrico Anxo Fernández.

AS BAIXAS

2011-09-19T10:44:00.000+02:00

A alineación do Boado FC estivo marcada tamén polas ausencias.
Vispo estaba sancionado, o adestrador non podía contar con el.
Aínda así, Toño Cubano tivo que facer unha convocatoria dolorosa sen dúbida para el.
Sandro, que por motivos de compromisos persoais, non puido chegar á hora, quedou desta volta sen cambiarse.
Tampouco o fixo Sergi, o móbil atacante do Boado.
O corpo técnico decidiu que Nacho Quelle descansase unha semana máis, despois de saír dunha lesión que o tivo un mes parado.
E arriscou o adestrador ao deixar fóra aos dous porteiros restantes, Parada e Villa.
Delfín tampoco se vestiu de corto porque non se atopaba nas mellores condicións físicas e mentais.
Fernando, por asuntos laborais aínda non se incorporou ao equipo.
E Fredy, tamén por compromisos profesionais aínda non debutou.
Isto dá mostra do potencial do Boado FC.

1x1, ANÁLISE DOS XOGADORES

2011-09-19T10:32:00.000+02:00

(Pablo Kolega foi un dos destacados do partido, ademais, estaba de aniversario)

IAGO: 8
Non tivo moito traballo, e cando o tivo deu o callo. O gol, golazo.

IVÁN FANDINGA: 9
Impecable en defensa e sorprendente en ataque. Dúas asistencias e recital de traballo. O mellor.
(Recoñeceu á prensa, en vestiarios, que a primeira asistencia fora de chiripa)

KHALID:8
Tocoulle cubir aos mellores dos visitantes. A súa garra é contaxiosa. Ten folgos para subir e baixar a banda.

PAZ: 8
Soberbio. Estase descubrindo como un dos centrais con máis garantías que se poden ver en 2ª.

MONTY: 7
Estamos mal acostumados a que sexa un crak. Onte foino, pero tivo menos presenza.

MIRANDA: 6
O desconcerto xeral do equipo contaxiouno. Esforzo constante.

MANUEL: 6
Está collendo a forma. Deixou mostras da súa innegable calidade.

PABLO: 8
Moitas ideas no ataque boadés. Ten algo que non teñen os demais. Indiscutible.

LUCA: 7
Derroche de enerxía en favor do equipo. Traballador e xeneroso. Estase afinando.

RICKY: 8
Golazo, que ademais era o 2-1. Fai cos pés o que outros imaxinan.

VILA: 8
Xustificando a súa fichaxe. Non fixo nada extraordinario, pero vaise entonando.

-TROCOS-
KOLEGA:9
Impresionante. Entrou con rabia, e saíu con gloria. Partidazo.

IVÁN CASTELAOS: 9
Criterio. Con humildade e traballo foi metendo ao equipo e a afección no peto.

SANTI: 7
A experiencia é un grao. En 20 minutos non o sobrepasaron unha vez.

JOSÉ: 7
Entrou pouco en xogo, pero vénselle cousas. Ten a pausa que cumpría onte.

MARQUIÑOS: 7
Moveuse por todo o campo, tal e como facía falta cando entrou. Con balón non deslumbrou, sen el, si.

O BOADO TEN RAZA (Sande, sudor e lágrimas)

2011-09-19T10:19:00.000+02:00

(Iván debutou onte co Boado FC)

Partido entretido o vivido na Moreira onte á tarde.
A afección volveu responder á chamada do equipo de Traslasxás. Cerca de oitenta persoas viviron o primeiro triunfo como local do equipo do Cubano.
Así saíu:
                    Iago
I.Fandinga-Paz-Monty-Khalid
           Miranda-Manuel
Pablo                           Luca
              Ricky- Vila

Como ven sendo habitual o Boado estivo algo espeso nos primeiros compases, iso si, con algún destello de calidade.
O ACD Sande saíu dominando no medio do campo, con dous xogadores, os dorsais 6 e 8 con moita presenza e bastante movilidade.
As internadas pola banda dereita do equipo visitante foron un perigo para o Boado, que só de xeito esporádico ofrecía resposta co latigazos en ataque. Froito dun deles chegou a primeira ocasión, internada de Pablo e Vila, os dous nativos do equipo onte, concluíu con centro ben dirixido que non atopou cabeza que o rematase.
Os visitantes tamén deron mostras de poder en ataque, pero as ocasións máis claras eran as do Boado.
Así chegou o balón a Manuel, que habilitou a Vila, que recibiu un bonito recado nunha perna, e cedeu o balón para o eléctrico Luca, quen se ía dirección portería ata que o dorsal 4 visitante, Alejandro, foi á súa caza, e cunha brutal entrada deixou ao atacante adoecido no chan. Vermella directa, ninguén se atreveu a protestar.
Gran xogada desta volta de Khalid, que ve a Vila e este erra, trantando de trallar ao porteiro, cando o máis efectivo sería asegurala por abaixo.
Acto seguido, boa internada de Vila pola esquerda, e deixando a dous rivais no chan en carreira cede en ruíns condicións a Ricky, que non consegue batir ó porteiro.
Saca o porteiro, barullo no medio do campo, queda un xogador visitante tirado no chan, eles mesmos sacan rápido e chega o balón a un dianteiro en solitario, que con forte e acertado disparo pon o 0-1 no marcador.
A raza do Boado comezou a saír, primeiro pedindo explicacións pola actitude antideportiva do rival, que con dubidosa ética empezan unha xogada con un compañeiro no chan. Acabouse aí a cortesía local.
Pouco despois, enésima entrada por banda, esta vez, o lateral Iván Fandinga, vaise de dous e busca un centro-chut que acaba no segundo pau, onde entra, con máis forza que xeito, Vila, para facer o empate. Estreábase así o xogador da Praciña coa camisola laranxa.
Descanso.
A segunda parte xa non tivo cor, ou se tivo, foi laranxa.
Aluvión de ocasións. A entrada de Kolega e Iván, a recente fichaxe, resultou decisiva esta vez. O balón comezou a moverse dun lado ó outro con bastante fluídez, empezando moitas xogadas nos dous mariscais, Paz e Monty.
Luca e Pablo nas bandas eran os puñais. E así, un balón ben trenzado no medio chega a Ricky, quen de volea coa zurda fai un gol realmente bonito, que amortizou a entrada da xente. 2-1 e o Boado arrancaba.
Quedaban aínda 25 minutos con doses de acoso do Sande, iso si, moi lonxano, sen perigo. E o Boado seguiu exactamente igual, intentando sacar o balón controlado sempre, aspecto meritorio.
Cambios no Boado. Entran Santi, José e Marquiños por Khalid, Luca e Pablo.
Foron varias as ocasións de ataque, e nunha delas Ricky ve a Vila na esquerda, libre, este recibe o balón, controla e coa zurda bate ao porteiro. Era a sentencia.
O partido volveuse así aínda máis brusco, con unha escolma de entradas por parte do Sande, onde xogan dous ou tres que tamén compiten na WWE ou no Pressing Catch.

(perna dun xogador do Boado despois da batalla)

Nova internada de Iván Fandinga, con moitísima presenza en ataque, ve a Vila no segundo pau, e cede o balón, o dianteiro remacha coa dereita facendo o 4-1 definitivo.
Quedaban 10 minutos, suficientes para ver a peor cara do fútbol. Os impotentes visitantes coseron a patadas aos de Boado, e a enésima foi no 90, cando o carniceiro central dorsal nº 5 trabou por detrás a Vila (xa lle fixera oito ou nove). O de Boado levantouse pedindo explicacións, e sobre todo, clemencia, e a resposta que atopou foi o acoso por parte de varios xogadores visitantes, exaltados. A reacción desmedida destes, fixo que o número 8 perdera a razón e buscase, con alma asasina ao dianteiro de rastas, quen respondeu coa máis absoluta das indiferenzas, provocación suficiente para que o medio do Sande seguise no empeño agresivo. O árbitro viu a xogada, amarela para o central e vermella directa para o número 8, quen non farto aínda, clamaba vinganza dende o lateral da Moreira.
A vinganza foi sinxela, 4-1.

Hoxe, ás patacas

2011-09-17T15:52:00.000+02:00

Hoxe é un día grande para a Limia. Toda a xente andas nas patacas.
Boado enteiro está hoxe revolucionado apañando. Quen sabe cantos miles de quilos se recollerán hoxe aquí!
Ánimo para os pataqueiros, tamén para os que teñen establecementos onde gastar os cartos que dan as patacas, ánimo para os que lle gusta comer as patacas no prato cos bistés.

E ánimo aos de Boado que foron hoxe á voda á Coruña, onde esperamos que coman patacas.

A PRÓXIMA XORNADA, EMOCIONANTE

2011-09-15T16:34:00.000+02:00

En plena campaña das patacas os equipos limiaos terán unha emocionante xornada de Liga para ver quen deles se pon á cabeza dos equipos da Terra das Patacas.
Así, todos os que non vaian ó Reperkusion poderán gozar co fútbol nos seguintes encontros, todos os nosos, o domingo ás 17:30.

A Manchica- Cualedro
Os de Cualedro queren dar a sorpresa nun dos equipos máis fortes da categoría, claro favorito ao ascenso.

Rocas-Antela

O Antela ten ganas de demostrar que pode estar arriba contra un equipo en fase de reconstrucción, unha incógnita, aínda que non parece ter moito potencial, mostra delo, os 0 puntos.

Boado- Sande

Os de Boado xogarán contra un equipo que non sabe o que é perder. Non destaca por un fútbol moi combinativo, pero si efectivo. O Boaod quere afianzarse na metade da táboa.

(falta o escudo da ACD Sande)

Bande - Vilar de Barrio

Os de Cameán non agochan as súas cartas, o rival é duro, aínda que só teña un punto. A panda de Rafa, Figo, Vicente, Jonny... poder dar que falar.

Piñeira- A Merca

O Piñeira rivaliza co Boado por saber quen levará máis público ao campo o domingo, e despois, xogará contra un recén ascendido que non parece asustar ao equipo que capitanea Amador.

Sorte aos 5, a ver se unha semana facemos pleno de victorias.

PODES VER A PUNTUACIÓN DE TODA A TEMPADA

2011-09-12T13:40:00.001+02:00

Neste enlace podes ver a clasificación segundo a puntuación desta páxina para os xogadores do Boado FC.
Ogallá vos guste.
Tamén o podes ver nas opcións da esquerda.

http://boadofc.blogspot.com/p/1x1-de-toda-tempada.html

1x1, ANÁLISE DOS XOGADORES DO BOADO

2011-09-12T12:44:00.000+02:00

IAGO: 8

Garantía na portería. Perfecto nos balóns aéreos.

I.FANDIGA: 9 (o mellor)

Na defensa cumpliu sen ser o seu sitio. Fabricou o penalty do 1-1 él soíño. Acerto na fichaxe.

SANTI: 7

Puxo as enerxías que tiña a disposición do equipo. As súas características foron favorables para o campo.

MONTY (C): 8

A súa clase non se esgota. Con dificultades polo bote alto do balón. Conforme se asentou, perfecto.

PAZ: 7

Merecería máis nota senón aparecese un desafortunado mareo. Mentres estivo, foi do mellorciño.

MIRANDA: 7

As condicións do campo e do rival non o deixaron desplegar todo o que sabe. Acabou de defensa.

PABLO: 8

Actitude perfecta do habilidoso xogador de Boado. O exemplo que necesitaba o equipo.

VISPO:7

A ración de raza que deixou é digna de mención, pero as discrepancias coa árbrito mermárono. Expulsado.

RICKY: 8

Moito carácter. De dianteiro centro non brillou, pero como creador deu unha lección.

VILA: 8

Aínda escaso en ataque. En defensa impecable, últimos vinte quince minutos como un tanque.

LUCA: 8

Pese a non ter un 100% de efectividade, deixou un grandísimo traballo e un gol (outro) que vale 3 puntos.

---

MARQUIÑOS: 6

Nese terreo de xogo nunca se sentíu cómodo, aínda así, deixou mostras de que é un xogador diferente.

KOLEGA: 8

Entrou de central e non deixou de axudar, sacar balóns e erixirse como baluarte defensivo. Sirve de central.

SERGI: 7

Xogou do que se lle pediu dando un rendemento máis que aceptable. Mellor de interior.

O ANTELA GAÑA.a porra ninguén.

2011-09-12T12:29:00.000+02:00

Gañou o Antela.

Adiantáronse os locais, con gol do eléctrico Javito.

Duplicaron a diferenza nun barullo no que os propios xogadores do Piñeira meteron o balón na portería.

O tres a cero chegou do máxico Manuel, probablemente un dos xogadores máis valiosos da categoría, que de cabeza batiu a Álex e así puido celebrar dun xeito redondo o seu cumpreanos, que comezara o día anterior.

No descanso Gonzalo non deixou de arengar aos seus para que non se confiaran, pero o certo que as bancadas da Moreira acabaron pedindo a hora.

Amador, a alma máter do Piñeira vése só diante de Otxo, e logra batelo para poñer o 3-1.

O resto do partido estivo marcado polas esixencias físicas do campo, aspecto que irá mellorando ao avanzar a tempada.

Contra o final, Oguin prepárase, mira para a escadra e aí pon o balón, facendo imposible a estirada do porteiro local. 3-2, pero sen case tempo para nada.

Así o Antela consegue os seus primeiros puntos.

A porra non tivo acertantes, polo que o botellín do Trebello ou Edén quedará na nevera.

PRIMEIRA VICTORIA

2011-09-12T12:18:00.000+02:00

Con sorpresa o Boado arrancou 3 puntos moi valiosos nun campo tan difícil como o de Cualedro.
Toño Cubano contaba con algunha ausencia sonada para facer o once, e así sacou o seguinte:
Iago
I.Fandinga-Paz-Monty-Santi
Miranda-Vispo
Pablo Vila
Ricky
Luca

O partido comezou trabado, con disputas de balón, case sempre aéreas, onde destacaba o incombustible Cosita polo bando local.
O Boado non parou de probar variantes en ataque, así, os catro avanzados roataron unha e outra vez.
As ocasións polo bando local reducíronse a saques lonxanos de falta e a un remate de cabeza en solitario de Fallah.
O Boado dispuxo das mellores ocasións. Luca errou unha boa vaselina. Vila un remate de cabeza. Vispo un balón dentro da área. Monty un forte tiro dende a frontal. E pódese dicir que o Boado pecou de xeneroso, pois algunha ocasión puido ser máis clara senón se intentase dar un último pase.
Descanso, e tempo para a reflexión despois dunha arbitraxe un tanto difícil de entender, que lonxe de favorecer a ninguén, descontentou a todos.
O baile de cambios da segunda parte despistou ao Boado, que viu como Fallah metía o balón na portería de Iago, despois dun erro de Marquiños nun caneo imposible nun campo irregular.
Dende aquela, a raza do Boado foi a protagonista do equipo. Impulsados polo titán Vispo dende atrás os xogadores boadeses foron gañando metros, aproveitando a velociadade de Luca, o criterio de Ricky, as internadas de Pablo, e a presenza de Vila, que pouco a pouco empeza a demostrar o que se lle presupón.
Chega, despois dunha impresionante combinación, o balón na esquerda a Iván Fandinga, que pisa área e fai un bo regate, o defensa Edgar non chegou ao balón pero si ao pé de Iván, penalty. Ricky colle o balón, e con decisión bate ao porteiro.

O empuxe do Boado non fixo máis que subir, intercalando boas combinacións locais por medio de Manolito e Nico, e sobre todo, por infinitos saques de esquina, onde o perigo estaba novamente en Manolito e Cosita.
Un saque de banda a prol do Boado sacado por Ricky foi a clave do partido. Os xogadores locais afanáronse en cubrir aos dous xogadores que a priori van mellor por arriba, Vila e Vispo, con dous marcadores cada un. Esta circunstancia habilitou a Luca, que non tiña marcador. O balón sacado por Ricky foi gañado por arriba por Vila, e Luca bate sen problemas ao porteiro na área pequena.
E a partir de aí mil balóns colgados polos locais, e entre o seguro Iago, o entonado Kolega, o entregado Monty, o colaborador Pablo, e o onte imparable en defensa, Vila, conseguiron que nada máis pasase.
Hai que destacar unha expulsión de Vispo, que despois de ser víctima dunha durísima entrada, expresa a súa rabia tirando un puñado de area ao chan, manifestación entendida pola colexiada como motivo de expulsión.
Tres puntos para o Boado.